وفينك يا بوريطة خرج دابا تنفعك لوموند. ياك كلنا ليك راه غير كتخربق وتفاهم دابا مع زوما. اليوم خارج علينا كتشكي وتبكي وبعد انت وفعفاعك راكم طلعو ما فيديكمش

هاداك ناصر بوريطة الوزير المنتدب فالخارجية خف من رزقو. ايلى كان الفعفاع ما فيدوش وعيان وما يصلاحش لهاد المنصف راه بوريطة خفيف وخاص اللي يرجعو ديما لبلاصتو. تشاور مع اولياء نعمتو اللي دفعو بيه ودار حوار مع "لوموند" واتصل بالصحف المغربية باش تنشر ليه الملخص اللي ترجماتو وكالة المغرب العربي للانباء وطلع داك لكلام ديالو فالصو. دابا اليوم خارجة الخارجية فبيان هو اللي كاتبو ماشي الفعفاع كيكول راه المملكة المغربية تدين بشدة المناورات المتواصلة لرئيسة مفوضية الاتحاد الإفريقي، التي تسعى لعرقلة قرار المغرب استعادة مكانه الطبيعي والشرعي داخل أسرته المؤسساتية الافريقية". اييه دابا عاد تدين. وسير عند لوموند" ودين علاش ناشرو فلاماب. . ياك كتعتارف غير بالجرائد اللي كتنشر اخبار على بلادك وعلى ملكك وكلها اخبار كتقلقك وكتقلق اولياء النعمة ديالك وسير عندهم.
دابا حصلنا حتى باش ندخلو للاتحاد الافريقي. جنوب السودان دار دولة ودخل وحنا مستثمرين فبزافت الدول الافريقية وواحلين. كتكول اليوم "هكذا، وبعد أن أخرت، بشكل غير مبرر، توزيع طلب المغرب على أعضاء الاتحاد الإفريقي، تواصل نكوسازانا دلاميني زوما تحركها للعرقلة، من خلال اختلاق شرط مسطري غير مسبوق ولا أساس له لا في نصوص ولا في ممارسة المنظمة، والذي كانت ترفض من خلاله بشكل تعسفي رسائل دعم المغرب الصادرة عن وزارات الشؤون الخارجية للدول الأعضاء بالاتحاد الإفريقي". طبعا ما كلتيش المبرر من غير الانشاء الخاوي ديال "رئيسة مفوضية الاتحاد الإفريقي تتناقض مع واجبها في الحياد وقواعد ومعايير المنظمة وإرادة بلدانها الأعضاء".
دابا وليتي كتقول "المغرب يحظى حتى الآن، بالوثائق الداعمة، بالمساندة والموافقة الكاملة للغالبية العظمى للدول الأعضاء، التي تفوق بشكل كبير تلك المنصوص عليها في القانون التأسيسي للاتحاد الإفريقي. هؤلاء الأعضاء سبق لهم أن وجهوا لرئيسة مفوضية الاتحاد الإفريقي رسائل دعم، رسمية وسليمة قانونيا، لقرار عودة المغرب إلى المنظمة الإفريقية ابتداء من القمة المقبلة".
شوف خاص الخارجية ترجع للاحزاب والتقنوقراط يخدمو تحت منهم. على الاقل مزوار طلع ما فيدوش تندلوه ونعاقبو حزبو فالتصويت وانت كيفاش يتحاسبو معاك على خرجاتك على اخطاءك