صياد النعامة يلقاها يلقاها. تفكيك الة الجريمة نقلو بوعشرين من فرانسوا فيون

عبد اللطيف اكنوش استاذ باحث جامعة الحسن الاول سطات ////
صياد النعامة يلقاها يلقاها!! للي حشمت نقولو بالعربية الفصحى على خويا توفيق بوعشرين في الافتتاحية ديال اليوم في أخبار اليوم…
"تفكيك آلة الجريمة" من طرف خويا توفيق هو عملية "كوبي/كولي" من برنامج "فرانسوا فيون" مرشح اليمين الفرنسي في الانتخابات الرئاسية المقبلة…وإيلى ماكنش نقيل وعملية "كوبي/كولي" الله ينعل ليا الوالدين أنا..هانتوما شوفو:
1- النقطة الأولى: كايقول خويا توفيق "لابد للمغرب من وزارة للأمن" منفصلة عن وزارة الداخلية عندها وزير كايقددم الحساب لرئيس الحكومة وللبرلمان وللرأي العام"..هاذي فكرة ديال "فوانسوا فيون"..ولكن مللي با توفيق كايسقطها على المغرب، كايبغي يقول: حييدو الأمن للملك، وعطيوه لخويا ابن كيران باش يخللي كًراني من صحابو يتهللاو فيا…ومن غيرها كذاب ابن كذاب..ياك؟
2- النقطة الثانية: فكرة أخرى ديال "فرانسوا فيون" وهي أن الشرطة العاملة في الإدارات وفي حراسة البنايات الرسمية، كاتشككل 75 في المائة من مجموع أعداد رجال الأمن، وعليه وجب إخراجهم للميدان، والاستعاضة عنهم بشركات الحراسة الخاصة وبموظفين آخرين…لعنة الله… قد ما تمششى الكلب حفيان…راه 85 في المائة هي للي عندنا في "التيران" في المغرب، و10 في المائة في مصالح الشرطة القضائية كاتجمع بين "التيران" وبين "البيروات" يا ال…هي 95 في المائة، والناس ديال الإدارة ياالله 5 في المائة…ثم "فيون" جات معاه إيلى قالها، لأن البرنامج ديالو باغي ينقص 500.000 موظف، أما المغرب راه باغي يزيد عدد الموظفين في أسلاك الشرطة يا الكانبو…
3- قال ليك لابد للبوليس باش يدمج معاه أساتذة جامعيين ومحامين ومهندسين باش يجيبو ليه "خبرات جديدة في محاربة الجريمة"…وشكون للي قال ليك يا الخ….. هاذو ماكاينينش في المديرية العامة..راهوم كاينين وبلا حساب يا الجاهيل…ونتا عارفني كنت تما 11 عام ويا الله قوودت فحالي هاذي عامين، وباقيت تما ببيكًجة ديال عباد الله من خيرة الأطر الجامعية!!! آشنو كاتحساب؟؟ الشرطة فيها غير للي هاززين العتلة ولا؟؟؟
4- ثم زاد قال ليك الشرطة المغربية خاصها تجهيزات تقنية وأسلحة جديدة…ههههه..واش نتا عممرك دخلتي لمديرية "الميزانية والتجهيز" في الرباط ولا "أوهو"؟؟؟ الله يعطيك الذل…"الماطيريال" للي عند الشرطة المغربية نتا كتشوفو غير في الفيلمات يا بوععو…والشرطة المغربية ماعممرها ماحتاجاتو لأن نوعية الجرائم في المغرب عيااااااااانة بزااف يا الك….، هاذاك الشي علاش ماكاتعرفوش لأنك ماكاتشوفوش…وهاذي النقطة حتى هيا كاينة في البرنامج ديال "فرانسوا فيون" لأن الشرطة الفرنسية كاتستهلك التجهيزات ديالها بسرعة نظرا لأنواع الجرائم الخاصة المرتكبة في فرنسا…
5- قال ليك، البلديات خاصها بوليس ديالها واخا يبقى تحت المراقبة ديال "الأمن الوطني"، وهي فكرة ديال الزغبي ديال "فرانسوا فيون" للي تعددا عليه خويا توفيق وسرق منو كولشي بدون مايراعي الفرق بين الوضعين المغربي والفرنسي…آجي ياكما بغيتي الخوانجية صحابك للي في الإدارات اللامركزية المنتخبة والبلديات يتهللاو فيك نتا، ويدديو دين مي أنا للحبس؟؟ آه، كًول يا الشويطين!!!
إيوا شفتي، صياد النعامة يلقاها يلقاها!!