عبد اللطيف اگنوش استاذ باحث جامعة الحسن الاول سطات //// غير وقفت عليه هاذ الصباح وهو يدور فيا: "آجي نتا…شكون هاذ الكمارة في موقع "كود" للي غير سمع الكتبة بالعامية وبدا "غير آجي آدرقوش وتحل ودوي، راه كولشي مسموح"؟؟ واش ماحشمش يحل دركًومو بعامية ما مفهوماش، ويبدا غير يشيير على الجالية المغربية في المهجر؟؟ فين هي الاحصائيات يا بكًر علال للي اعتامدتي عليها باش تكًول "أوربا حزقات والزماكًرية ما بقاو يجيبو لا عملة صعبة لا والو، وولاو كايجيبو غير البسالة والضسارة؟؟ شفتي شي تقارير ديال بنك المغرب ولا مكتب الصرف، الله يعطيك كًردة؟؟؟ درتي شي بحث ميداني وسولتي هاذ الناس آش كايحوولو شهريا ولا سنويا للمغرب من أموال؟؟؟ درستي تصرفهوم هنا وفي أوربا وقارنتي بين التصرفين؟؟؟ ثم واش هاذوك ماشي منك ونتا مننهوم؟؟؟ باش نتا أحسن منهوم في التربية والسلوك؟؟؟كون كنتي مربي ومخللق وعفيف ومؤدب وعارف غير شويا ماكنتيش تكتب ذاك الخرا ديالك حاشا السامعين؟؟؟ هاذي ورقة صفراء ديالي أنا المسمى "ولد خويا" ماشي للساط للي كتب، لأنه ماكايعرفوش وماباغيش يعرفو كًاع، ولكن لنجيم ولكود… ملحوظة هامة: شوفو آ الدراري ديال "كود" هاذ التعليق العميق ديال الأستاذ عبد الصمد محيي الدين: "هاهي الإحصائيات ديال بَصَّحْ باش اللي كتب التخرميز يسد دلقوشو : مالايقل عن 32% في الماْئة من مغاربة الداخل يتعَيَّشُون حصريا من تحويلات ودعم مغاربة الخارج ! تقديرات الأبناك المغربية وحتى الوزارة المعنية تحدد عدد المغاربة المهاجرين أو المنحدرين من الهجرة في حيز يتراوح بين خمسة وستة ملايين (إذا حشرنا هنا تقديراً ضعيفاً لحجم الهجرة السرية) وهو مايعادل 15% إلى 16% من مجموع عدد المغاربة ! وهاد المغاربة اللي كانسموهم "الزماكًرية" أبانو عن شجاعة وصبر نادرين في الدفاع عن حقوقهم وبرز من بينهم مئات الآلاف من العلماء والفنانين والسياسيين ورجالات المال والأعمال والمهندسين والصحفيين والأساتذة. هناك الكثير من الحسد والحقد ضدهم داخل بلدهم الأصلي لأنهم متحررون من الصَّغار والتزلف و"القوالب" ولحيس الكابة والخوف من المخزن والبكاء على الحظ التعس، وكلها سلوكات ضاربة الأطناب في البلد ! وأخيراً هناك إحصائية واحدة تنبئ بسخافة التشكي من "الزماكًرية" : عدد ضحايا الطريق على طول السنة في المغرب يعادل عشر مرات نظيره بفرنسا ! هل هذا الرقم المخيف يرجع الى تهور هؤلاء الذين يختارون بلد الجذور لقضاء عطلتهم عوض الذهاب إلى إسبانيا كما يفعل مئات الألوف من مغاربة الداخل أو نحو تركيا واليونان …الخ ؟ واتَّا سيييييير تنبكً وقَلَّبْ على خدمة ديال بصَّح وخطي عليك لكلام السفلي ! ماكاين شي ضاسر بحال هاذا اللي غير حك راسو وخرجها كًد سخافتو!! Abdessamad Mouhieddine
