قتلو التعليم العمومي ومشاو فگنازتو: دابا بزافت الاساتذة دمروه وكيحتجو على خوصصته

صباح اليوم الاحد 18 دجنبر بغاتو السي دي جي يكون باخراج درامي حزين موسوم بالشجن. بغات الحزن يخيم على حي درب عمر التجاري المغلقة متاجره: صوت فيروز يرتفع إلى السماء يتغنى بالوجع، في الشارع وقف العشرات من رجال التعليم محسوبونعلى اليسار في المغرب للتنديد بتفويت المدارس العمومية للخواص.
نبيلة منيب ،الأمينة العامة لحزب اليسار الاشتراكي الموحد تقوم في الطابق الرابع لمقر نقابة الكونفدرالية الديمقراطية للشغل تنسق مع مناضلين ومناضلات قبل انطلاق مسيرة منددة بالإجهازعلى مكتسبات المدرسة العمومية في المغرب .
وفيا لشارع انتظم نقابيون ومناضلون من أحزاب اليسار ورفقعوا شعارات من قبيل:«هذا تعليم طبقي ولاد الشعب في الزناقي». غير كيفاش وصلنا لهاد التعليم الطبقي وفين مسؤولية النقابات؟
الفضيحة فهاد الشي هو ان من الناس اللي خرج على التعليم هم الاساتذة بالاضافة طبعا الى مسؤولية الدولة وسياستها والمجتمع والاحزاب السياسية٬ فين عمر شي نقابة من نقابات رجال التعليم خرجات وهاجمات الاساتذة اللي كيخرجو على ولاد لمغاربة وما كيقريوهم والو وكيفرضو عليهم يزيدو السوايع وكيمشيو يقريو فالتعليم الحر بالتخبية. ديما كيدافعو على بعضياتهم حتى وصلو التعليم للحيط حتى قتلوه واليوم كيبكيو عليه. هاد النقابات ما عمرهم همهم المدرسة العمومية هاماهم غير مصالحهم