السيستيم ديال البريد بنك كان تاهو في عطلة البارح وخلا عباد الله بلا فلوس

علمت "كود" أن زبناء شبابيك البريد بنك واجهوا مشكلة في سحب أموالهم من الشبابيك الأتوماتيكية بسبب خلل في النظام يوم أمس ال 11 يناير.
الناس لي حاولو يمشيو لشبابيك بنوك أخرى، لقاو نفس المشكل، كل مرة كترجع ليهم البطاقة وكتعطيهم "خلل في الاتصال".
المحنة انتقلت أيضا عبر الأداء بالبطاقة، كاع الناس لي عندهم البريد بنك مقبلاتش ليهم لاكارط غيشي، وكتعطيهم في المحلات التجارية "مشكل اتصال".
هاد المشكلة علق عليها أحد الظرفاء من الزبناء بوكالة للبنك بالبرنوصي، بكون السيستام تاهوا واقيلا خايد عطلة، في إحالة لعطلة 11 يناير ذكرى تقديم وثيقة الاستقلال.