وزراء العدالة والتنمية ماشي رجال. غير واحد فيهم اللي ما طلعش شماتة وها علاش =لائحة 11 وزير ما عندهمش قطاعات واعرة

وزراء العدالة والتنمية فحكومة بن عرفة سعد الدين العثماني اللي عددهم 11 كلهم ما صدقوش. وفق مصادر "كود" "ما كاينش شي وزير جا عند بنكيران الامين العام لحزب العدالة والتنمية ورئيس الحكومة اللي دارو عليه انقلاب وخبرو ولا تشاور معاه ولا طلب الاذن بالاستوزار
مصدر "كود" قال ان وزير واحدا تقريبا اللي جا عند بنكيران هو مصطفى الرميد اللي قبل وزارة مدلولة للي هي حقوق الانسان. المهم الرميد هو اللي جا عندو بالاضافة الى شي واحد اسمو صمدي عطاوه شي كتابة دولة
البي جي دي دخل لوزارات ما عندهم قيمة. بالاضافة الى بن عرفة اللي هو العثماني كان الرميد وزير دولة ديال حقوق الانسان وكاين البراح الجديد المدعو محمد يتيم اللي عطاوه الشغل وكاينة بسيمة حقاوي ديال المرأة وكاين عبد القادر عمارة اللي خدا التجهيز والنقل وعبد العزيز الرباح اللي كالو عندو الطاقة والمعادن = كاين اللي كيقول باللي الرباح رجع لبلاصتو وعمارة فبلاصتو= ومصطفى الخلفي اللي ولى فالعلاقات مع البرلمان واللي كيدخل للتاريخ حقاش جاب قانون متخلف بزاف للصحافيين وكاين نجيب بوليف المدلول حقاش قبل كتابة دولة فالنقل وهو جاب اعلى عدد الاصوات فالمغرب 64 الف صوت فطنجة وكاين وكاينة جميلة مصلي اللي خدا كتابة الدولة فالاقتصاد الاجتماعي وكاينة الوافي نزهة كتابة الدولة فشي حاجة وكاين صمدي اللي خدا شي كتابة دولة بالاضافة الى بسيمة الحقاوي اللي بقات فوزارة الاسرة.
دابا هادو من غير الرميد ما كاينش اللي غير بالادب قالها لبنكيران