نايضة فالاغلبية. هاد المرة بين التقدم والاشتراكية ديال نبعبد الله والتجمع ديال اخنوش. ها كيفاش وجدو لسؤال لوزير الفلاحة وها كيفاش رد عليهم عبر "اونسا"

هاد الحكومة كلشي فيها غريب عجيب. ماشي غير الاتحاد الاشتراكي اللي فرض راسو على الحكومة ودخل بزز وفالاخير ولى معارض للبي جي دي اللي كيقود الحكومة كاينة حرب خفية بين البي بي اس والتجمع الوطني للاحرار اي بين اخنوش وبنعبد الله اللي بجوجهم فالحكومة.
هاد الحرب كانت باينة شوية من ايام تشكيل الحكومة ودابا مرة مرة كتبان. اخر فصولها السؤال الكتابي اللي وجههو البارح النائب جمال كريمي بنشقرون، من المجموعة النيابية للتقدم والإشتراكية بمجلس النواب إلى وزير الفلاحة والصيد البحري والتنمية القروية والمياه والغابات حول موضوع فساد وتعفن وتغير لون لحوم الأضاحي بمناسبة عيد الأضحى. السؤال هم تغيير لون لحوم الاضاحي وانبعاث روائح كريهة.
ماشي غير اش دارت مصالح الوزارة لحماية صحة المواطن هو السؤال الوحيد٬ البرلماني طلب في رسالة وجهها الى رئيس لجنة القطاعات الانتاجية بمجلس النواب، عقد اجتماع للجنة، بحضور وزير الفلاحة والصيد البحري والتنمية القروية والمياه والغابات ، قصد مناقشة تداعيات هذا الموضوع، وتسليط الأضواء على الأسباب الحقيقية وراء تعفن وفساد هذه اللحوم ، وكذا الإجراءات والتدابير التي اتخذت في هذا الشأن".
وزارة الفلاحة ما تسناتهم حتى يطرحو السؤال. المكتب الوطني للسلامة الصحية للمنتجات الغذائية رد على السؤال وقال ان ما تم نشره بخصوص ظهور حالات تلون ذبائح عيد الاضحى عند بعض الاسر وربطها بتناول اكباش اعلاف غير صالحة او تلقيحها ومعالجتها بادوية غير مرخصة
واوضحت "اونسا" ان مصالحها ومن خلال تتبع حال السقيطة في مناطق المغرب تؤكد ان هاد السقيطة "بمجملها جيدة" باستثناء بعض الشكايات التي توصلت بها هذه المصالح والتي همت بالخصوص ظهور اعراض التهاب الغدد اللمفاوية واصابة بعض الاعضاء بالطفيليات وتغير لون السقيطة في بعض الحالات"
اونسا اكدت ان سبب اخضرار السقيطة او تعفنها "لها علاقة مباشرة بعدم احترام الشروط الصحية للذبح والسلخ والحفاظ على السقيطة في ظروف جيدة قبل تقطيعها وتخزينها عبر التبريد والتجميد ولا علاقة لها بحملات التلقيح التي يستفيد منها قطيع الاغنام عدة شهور قبل يوم العيد"