طلقة الرحمة على البوليساريو: وتصرفيقة صعيبة بزاف دارتها الخارجية البيروفية للصحراوية اللي قدمات راسها سفيرة ومعتاصمة فالمطار: ما كتعتارفوش بيك وانتي كتنتاحلي صفة

ضربة قوية بزاف بزاف هاديك اللي دارت الخارجية البيروفية للصحراوية خديجتو مختار سيدي احمد اللي قدمات راسها ديبلوماسية ديال البوليساريو وبغات تدخل للبيرو بباسبور اسباني٬ فقد صدر بيان لهذه الدولة اللي فامريكا اللاتينية يشبه طلقة الرحمة على البوليساريو وعلى ديبلوماسيته. فبعد 18 يوم من الاعتصام فالمطار جاو بيانات كثار منهم ديال اليوم الاربعاء 27 شتنبر. اش كيقول. فيه خاصك ترجعي فحالك وما كنعتارفوش بالبوليساريو حتى نسمحو ليك دخلي لبلادنا وانتي منتاحلة صفة ديبلوماسية
دابا هي مازال كتسنى حكم قضائي ولكن البيان وفق مصدر ل"كود" جامع مانع. سواء سمحو ليها تدخل او طردوها بحال بحال. حقاش ايلى قال القضاء خاصها تدخل غادية تكون سائحة واي حاجة دارتها خارج هاد الاطار كلقاء مسؤولين او شي حاجة غاديين يطردوها مباشرة٬ اما ايلى كان القضاء مع الخارجية وطردها فغادية تكون شوهة كبيرة.
بيان الخارجية علاش رصاصة الرحمة؟ حقاش سد الباب لاي تعاون مع البوليساريو