ياك بسباب الازمة المغربية الاماراتية الصامتة: الغاء السوبر المغربي الإماراتي

ألغت اللجنة المنظمة للمباراة ديال السوبر الاماراتي لكان غادي اجمع الوداد الرياضي بالجزيرة الإماراتي، المباراة، بسبب الخلاف بين مسؤولي الوداد ووكيل لاعبين مغربي، مشهور، وصاب فكرة تنظيم المباراة.
الخلاف بلغ الأوج ديالو بعدما اشترط الوكيل أنه اقنع الاتحاد الإماراتي بتنظيم المباراة مقابل أن الوداد تخلى على خدمات المدرب الحالي عموتة، وهو الأمر لفرضوا سعيد الناصيري، رغم العلاقة الجيدة ديالو مع الوكيل، ولكن اعتبر الطلب ديالو مبالغ فيه ومستحيل في الوقت الحالي، خصوصا أن عموتة غادي مزيان، في النتائج مع الوداد في العصبة وقادهم للتويج باللقب ديال البطولة.
المباراة كان مفروض تلعب في الصيف بعد تحديد بطلب الدوري المغربي والدوري الاماراتي، ولكن خلافات سياسية خلاتها تأخر، قبل ميبان الخلاف بين الوكيل والمدرب ديال الوداد، لتسبب في الإلغاء ديالها رسميا.
والوداد هو الفريق الأول لكان لعب السوبر الاماراتي المغربي وخسر فيه مع فريق العين الإماراتي، ومن بعد منو لعب فريق الفتح وخسر حتى هو، والنسخة الثالثة هي ديال الموسم الحالي تلغات.