انفراد. علاش وزير المالية بوسعيد ما قدرش يضرب المستشار الملكي القباج فقضية تعويم الدرهم وداز للجواهري. "كود" تكشف تفاصيل حصرية على اللي وافق على القرار

قبل ايام رد وزير المالية والاقتصاد محمد بوسعيد على والي بنك المغرب بخصوص تعويم الدرهم. الوزير قال ان القرار لم تتخذه الحكومة وفهادي كذب وفق مصدر ل"كود". القرار اتخذه حكومة بنكيران اللي كان فيها هو وزيرا للمالية يحكي مصدر من ديوان رئيس الحكومة السابق.
اذن القرار اتخذته الحكومة. بوسعيد قال انه تحفظ على طريقة الاعلان عن القرار وعن توقيته وعن طريقة تصريفه. هاد الشي دفع بالوزير الى توقيفه شهر يوليوز الماضي وبرر ذلك بخطورة الاجراء على الاقتصاد الوطني وعلى القدرة الشرائية.
ولكن شكون بالضبط دافع على القرار اللي شاد بيه البنك الدولي والمتعلق بتحرير سعر الدرهم ماشي تحرير مطلق ولكن تحرير محصور =تعويم=؟ وفق مصدر "كود" فان مستشار الملك القباج هو من قدم استشارته في هذا الباب. الاستشارة قبلها رئيس الحكومة السابق عبد الاله بنكيران وتبناها ودافع عليها. طبعا والي بنك المغرب حتى هو دافع على هاد التوجه ولكن ما عمرو خدا شي قرار يضيف مصدر "كود".
دابا باش يجي بوسعيد اللي عارف هاد الشي٬ يضيف مصدر "كود"٬ فانه باين عينو فعبد اللطيف لجواهري والي بنك المغرب. يمكن موجد شكون ياخد بلاصتو. حقاش الجواهري طلع ليه الدم وطلب يمشي فحالو باش شاف هاد اللعب ديال الضرب ووو. مازال ما دروش عليه ولكن فالغالب قريب يمشي فحالو ويقدر يكون فهاد الايام اللي جاية.