بنكيران قطع مع صحابو فقيادة الحزب. برك فاخر الصف وبعد على ابن عرفة وصحابو وكان هو النجم وها اش قال على مستقبلو السياسي

عبد الاله بنكيران الامين العام السابق لحزب العدالة والتنمية اللي خانوه قيادتو وباعوه فالدورة اختار طريقة واعرة باش يرد ليهم الصرف. بنكيران فاجتماع المجلس الوطني للحزب اليوم السبت 20 يناير 2018 بسلا اختار يجلس فالصفوف الاخيرة مع الصحافيين ويبعد عن الصف الاول اللي فيه بنعرفة وصحابو
طبعا كيف ديما دوز ميساجات ليهم ولغيرهم حقاش الصحافة جاو عندو غير هو ما داوهاش لا فابن عرفة لا فغيرو من قادة الحزب. بنكيران قال اللي سولو علاش غبر "هاد الزمان باش تشوف خاصك يكونو عينيك صحاح بزاف"
طبعا رفض باللي مستقبلو السياسي سالى وتحدث باللي مازال "شي تصبينة ولا جوج" فالمستقبل
بنكيران اختار الجلوس الى جانب قيادي اخر فالحزب اللي هو عبد العزيز افتاتي