واللي ما عندوش ما عندوش. وا بنصالح اللي كانت كتسنى البام يربح باش تاخد وزارة العلمي وبلاصتو اش داك للانجليزية =شوفو كيف دارت مع رئيس رواندا = فيديو=

مريم بنصالح باطرونة الباطرونا اللي جابوها وفرضوها على رجال الاعمال وقبلوها حقاش ما خوافة ما فيديهاش وهي عارفة انها ما فيدهاش. السيدة ديما مخشية فالزيارات الرسمية للملك فافريقيا اخرها جولته الافريقية الحالية.
طبعا مكبرين بها حقاش مرا وسيدة اعمال واخا كاين فالبلاد احسن منها بزاف. هاد السيدة جات تقدم للرئيس الرواندي بول ماكابي رجال الاعمال ودارت مجهود وتكلمات بالانكليزية. هنا كلشي عادي وعادي حتى ما تكونش واعرة بزاف بالانكليزية ولكن باش سالات دارت بحال ايلى كان عليها شي ثقل كبير والكاميرا شاعلة.
مريم بنصالح اللي كالت لرجال الاعمال يصوتو على البام فالانتخابات الاخيرة وكانت طبعا تحلم تاخد بلاصة مولاي حفيظ العلمي فوزارة الصناعة والتجارة كلشي تضرب ليها فزيرو. بقى ليها غير ايام وترجع للخلف كيف كانت ديما