وتشد البوليساريو فالفجلة. المفوضية الاوربية خدات الضو الأخضر تفاوض الرباط لتجديد اتفاقية الصيد البحري والبوليساريو آوت

الاتحاد الاوربي فهاد البيان دار قراءة بحالها بحال المغرب، فبيانو اليوم، اذ تحدث عن منح المفوضية الاوربية صلاحية المفاوضات مع الرباط في أفق تجديد اتفاقية الصيد البحري
فالمغرب نهار خرج قرار المحكمة الاوربية قال باللي هاد القرار ماشي مضر بالرباط حقاش كيهدر على ضرورة توضيح هاد الاتفاقية.
الأهم من هادا كلو ان المغرب حدد شروط وهي ان الصحراء جزء من المغرب. بيان اليوم يؤكد هاد الشي بشكل من الأشكال، حقاش كيهدر على طرفين ماشي ثلاثة. المغرب والاتحاد الاوربي والبوليساريو ما كايناش ما مسوق ليها حد.
المغرب غادي يدخل للمفاوضات باش يقول للأوربيين انها الشي ديال الصيد البحري كيمشي للصحراء لسكانها، مثلا فجهتي الداخلة وادي الذهب والعيون الساقية الحمراء كتستافد من 66 بالمائة من الدعم المخصص للقطاع في إطار اليوتيس ودابا مستافدة 17 الف شخص من الجهة
وكان البيان هاد الصباح، قال انه من بعد القرار الي أصدرته محكمة العدل الأوروبية يوم 27 فبراير، بخصوص اتفاق الصيد البحري المبرم بين المغرب والاتحاد الأوروبي، القاضي بأن “الاتفاق لا يسري على الأقاليم الجنوبية للمملكة”، اعتمدت المفوضية الأوروبية، اليوم 21 مارس، مقترح بشان قرار المجلس الي كيخولها الحق في التفاوض مع المغرب على تعديل اتفاق الصيد البحري الحالي بين المملكة والاتحاد الأوروبي، وكذلك تجديد البروتوكول.
وأكدت المفوضية الأوروبية أن الهدف من هاد المقترح هو صون وتطوير الشراكة المتعلقة بالصيد البحري بين الاتحاد الأوروبي والمغرب، خاصة وأن هاد الأخير هو شريك قريب من الاتحاد الأوروبي و الي كيحضى من مركز مميز في ما يخص سياسة الجوار الأوروبية .
المقترح كيشمل حتى الأقاليم الجنوبية وفقا لشروط معينة يشرح البيان