الطالبي العلمي بعد الندوة الشهيرة على المونديال دخل سوق راسو. سولوه على حظوظ المغرب فالمونديال وهو يرد: ماشي شغالي

خرج رشيد الطالب العلمي، وزير الشباب والرياضية، فهم الدرس. عرف حدود مسؤوليتو الحكومية. تنظيم كأس العالم ف2026 ما عندو علاقة بيها. علاقتو الوحيدة المشاركة في الندوة الصحافية للاعلان عن ترشيح المغرب وجا هاديك المرة باش يتكلم باسم الحكومة ويقول باللي راها كتدعم المغرب.
صحافي سولو مؤخرا بفاس على “واشي المغرب عندو شي حظوظ لاحتضان “مونديال 2026″، قبل أن يرد عليه الوزير بالقول: “ماشي شغالي فداكشي أنا اليوم فيوم دراسي”.
وكان رشيد الطالبي العلمي، وزير الشبيبة والرياضة، قد ترأس يوم الأربعاء الماضي، اليوم الدراسي الأول للرياضة جهة فاس مكناس، والذي احتضنته إحدى الوحدات الفندقية في مدينة فاس.
اللي ما قالش الوزير هو ان الندوة الصحافية للي نظمها فوزارة الشبيبة والرياضة وتناولات مواضيع كثيرة منها مونديال 2026 قدم فيه معطيات ماشي نهائية فهاداك الوقت بحال عدد الملاعب والمدن اللي غادية تحتضنها. ندوة قلقات اللجنة المشرفة على تنظيم المونديال لان هاد الموضوع ماشي موضوع حكومي وعندو رئيس اللي هو زميلو فالحكومة والحزب مولاي حفيظ العلمي =وزير الصناعة والتجارة والتكنلوجيات الحديثة