كيفاش تقولب الشعب. قاطع سنطرال وقولباتو جودة بحليب الغبرة

من بعد سبعة اسابيع ديال المقاطعة، “سنترال دانون” تخلات على مركزها كشركة رائدة في السوق، وفي بيانها الأخير اعتارفات بانخفاض بنسبة 50% في مبيعاتها.
وذكر موقع “ميديا 24″ أن ما حدث ل”سنترال” شكل نعمة لمنافستها، تعاونية تارودانت “كوباك الجودة” الي ولات في غضون الأسابيع الأخيرة رائدة في السوق، وحصصها السوقية دازت من 24.1 % ل 33%.
ولكن كيفاش دارت شركة "كوباك" حليب "جودة" باش كيفات قدراتها الإنتاجية لتلبية الطلب المتزايد على منتوجاتها؟ وهذا السؤال الي طرح “ميديا 24” في مقاله، مؤكدا أن الشركة المذكورة مزادتش فكميات الحليب الي كتاخد من عند الفلاحة في فترة المقاطعة، ومضيفا أنها رفضات حتى تجمع الحليب الي عادة كتجمعو شركة “سنترال دانون”.
الموقع ذاته سول مصادر معنية الي أكدوا أن التفسير الوحيد الممكن هو أن التعاونية كتستعمل مسحوق الحليب، الي بطبيعة الحال ممنوع كليا.
ووفقا لأرقام غير رسمية توصل بيهم الموقع نفسه، فشركة “كوباك” ضاعفت بخمسة مرات وارداتها من مسحوق الحليب، من 200 طن في فبراير الى 1000 طن في ماي.
واتصل “ميديا 24″ ب”مولاي محمد الولتيتي” رئيس “كوباك” لطرح بعض الأسئلة عليه مثل “شنو الجواب ديالكم على هاد الاتهامات؟”، “واش زدتو كميات الحليب الي كتجمعو من عند الفلاحة؟”… والجواب الوحيد الي حصلو عليه كان هو “الأبواب ديالنا مفتوحة للمكتب الوطني للسلامة الصحية للمنتجات الغذائية، يمكنلهم يجيو وقتاش مابغاو، وهما الوحيدين الي باستطاعتهم يتحققو من هادشي الي كنديرو… والمجهودات الي درنا فهاد تلانين عام هما الي عطاو النتائج الاستثنائية الي عندنا ليوم”.
الأسئلة المطروحة دابا هي واش شركة “كوباك” كتبيع للمغاربة حليب فيه الغبرة وممنوع بثمن الحليب الطري؟ وكيفاش دارت حتى قدرات تلبي حاجة السوق؟
رابط المقال الأصلي:
https://www.medias24.com/MAROC/ECONOMIE/ECONOMIE/183656-Lait-Copag-nouveau-leader-du-marche-soupconne-de-vendre-du-lait-reconstitue.html