مصدر ل”كود”: الحافة ما تهدماتش وغادية تبقى وها اللي وقع

قال مصدر ل”كود” من طنجة ان ما قيل حول هدم مقهى “الحافة” ماشي دقيق بل ماشي صحيح. مصدر “كود” نفى ان تكون الحافة قد تعرضت للهدم “اللي تهدم هو مطعم فيه شي 120 متر مربع بناه مول القهوة ودار فيه مطعم بلا ترخيص بلا والو. وحتى سالى اكثر من 8 اشهر وجا شي خليفة تماك وشاف هاداك الشي عاد تقدم بطلب وترفض ليه. اذن مخالف القانون ودار شغل يديو”.
مصدر “كود” قال ان “الحافة ما قرب منها حد لكن ريبو اللي تبنى بشكل عشوائي”.
مول القهوة كان قال باللي ريبو ليه ديالو المصدر رد “راه غير يساليو ترياب هاداك المطعم وغادية تحل. حقاش ما يمكنش توصل للمطعم بلا ما دوز على الحافة”
الحافة عندنا تاريخ كبير فطنجة. راها من العشرينات وهي كاينة. كلشي النجوم والمشاهير للي زارو طنجة تقهواو فيها حتى لمغاربة شافوها