حصلت “كود” على معطيات جديدة حول ما اصبح يعرف ب”قضاة الشارع” في مدينة فاس اللّي ناضو يطبقو شرع يديهوم. هادشي كيف قلنا ومزال كنقولو ف”كود” مرفوض حقاش ماشي الدور ديالهوم راه كاين مؤسسات أمنية دايرة العمل ديالها. نرجعو لهاد الموضوع اللّي داير البوز هاد الأيام فمواقع التواصل الاجتماعي. فحسب مصادر “كود”، فإن هاد الشباب اللّي ناضو يديرو هاد الحملات على الجريمة اختارو أحياء تعاني من التهميش والفقر وتصنف ضمن الأحياء السوداء اللّي فيهوم المشرملين والبزنازة. بحال حي النقبي والجنانات وباب الفتوح والأحياء المجاورة. أحد المتتبعين للشأن المحلي بمدينة فاس، قال في تصريح ل”كود”، أن هاد الشباب ماشي بغاو يقلو من العمل ديال البوليس او يطيحو بيه. “بالعكس هوما بغاو يعاونو الشرطة لي دايرة الواجب ديالها لكن يد واحدة لا تصفق ومدينة بحال فاس كبيرة بزاف بزاف خاصها لعوين من أجل التقليل من ظاهرة الاعتداءات على الناس وسلب ممتلكاتهم”. يضيف المتحدث ل”كود”. المهم مع ذاك هادشي اللي كيديروه قضاة الشارع خارج على القانون. بغاو يعاونو كيف كيقولو ماشي بالهراوات والزراوط. هناك كاين سؤال واضح. هو علاش هازين داك لعصي؟؟ شنو الغاية من هادشي؟؟ أسئلة كثيرة وخلفيات باينة وراء هاد الحملة الشعبوية على لكريساج وكول واحد بغا يبين العظلات ديالو.
