عاجل.. شعلات فمؤتمر سبولة.. السكوري رئيس لجنة انتداب المؤتمرين رفض يعطي هاد الوثيقة لأسلالو وها شنو قال مقرب منه ل”كود”

بعد ساعات قليلة من انطلاق المؤتمر ال13 لحزب الحركة الشعبية بالمركب الرياضي الأمير مولاي عبد الله بالرباط، علمت “كود”، من مصادر مطلعة، أن لحسن السكوري، رئيس لجنة انتداب المؤتمرين، مابغاش يعطي لائحة المؤتمرين اللّي فيها 2500 مؤتمر لأسلالو منافس امحند العنصر.
وحسب مقرب من مصطفى أسلالو، المرشح الوحيد لمنافسة العنصر على رأس الحركة الشعبية، فإن هذا الأخير مابغاش يقدم وثائق ديال إنهاء الإعداد التنظيمي للمؤتمر ومتخوف بزاف بزاف من شي تلاعب يكون فهاد المؤتمر اللّي دايز مشحون بزايد.
وأضاف المصدر نفسه، ل”كود”، قائلاً: “دبا أسلالو غادي يحتج بطريقتو وغادي يدير لقاء مع رئيس اللجنة التحضرية للمؤتمر ومنافسه امحند العنصر وهادشي بطبيعة الحال قبل انطلاق المؤتمر”.