بنعرفة والحكومة ديالو ممسوقاش كاع للحوار الاجتماعي اللّي اطلب الملك بالتسريع ديالو فخطابو الأخير. الملك كان أكد أن”الحوار الاجتماعي واجب ولا بد منه، وينبغي اعتماده بشكل غير منقطع ودعا الحكومة باش تجمع النقابات وتتواصل معاهوم بانتظام”. لكن هادشي مكاينش على أرض الواقع. “كود” دارت اتصالات مع عدد من القادة داخل النقابات الأكثر تمثيلة. خديجة الزومي القيادي البارز في صفوف حزب الاستقلال مني وسلاتها “كود” على مصير الحوار الاجتماعي بدات كتضحك وقال أنه “مكاين حتى شي حد كيهضر عليه”. وزادت المرأة الحديدية داخل نقابة الاتحاد العام للشغالين بالمغرب، الذاع النقابي لحزب “الميزان”، قائلة: “الحوار الاجتماعي خرج ومرجعش ويلا كان الحوار خاصو يكون منطقي والزيادة فالأجور تكون منطقية ماشي داكشي اللّي قالو لينا قبل”.
