بلاد الثورة البرتقالية عياو. الاوكرانيون فضلو ممثل كوميدي على رئيس رشاوي. زيلينكسي دگدگ بوروشنكو

بلد الثورة البرتقالية عياو من الثورات. جربو كلشي. مع الروس وتحاربو ضدهم مع الغرب وانتاخبو رئيس طلع رشاوي. اليوم دارو اختيار فشي شكل. اختارو ممثل كوميدي اسمه فلولديمير زيلينسكي رئيسا فالجولة الثانية. ماشي غير نجح بل جاب 73 بالمائة من الاصوات فالجولة الثانية للرئاسيات اللي كانت اليوم. ربح الرئيس المنتهية ولايته بيترو بوروشينكو.
هاد الكوميدي ما كيعرفش السياسة وقالها شحال من مرة ولكن جايب الشباب. عمرو 41 عام. بالنسبة ليومية “لوموند” “اوكرانيا دارت تنقيزة للمجهول”. يمكن المجهول اضمن من كاع اللي جرباتو هاد الدولة.
عرفات باللي الحرب مع روسيا ما غادية الا تزيد مشاكلها. عرفات باللي الغرب ما يمكنش تعول عليه. عرفات باللي حتى سياسيها باغيين غير الشفرة. جربات الكوميديا. هي اصلا عاشت كوميديا سوداء ما يمكنش يففهمها الا كوميدي