بنعرفة دار فينا الضحك. صحف اسبانية مطلعاها عليه بسباب التدوينة اللي دار فيها صورة مرسي

الصحف الاسبانية شدات مزيان في رئيس الحكومة سعد الدين العثماني بسباب إحدى التدوينات اللي دار.
بنعرفة دار تدوينة على لقاؤه مع خوسي مانويل مورينو بونيا، وقال أنه استقبل رئيس جهة الاندلس، ولكن عوض مايدير تصويرة كتجمع الطرفين حط فبلاصتها صورة الرئيس المصري محمد مرسي، اللي مات أول أمس الاثنين في المحكمة.
الصحافة الاسبانية قالت أن بنعرفة ماشي غير دار فضيحة الصورة، ولكن زادها بأنه ماعرفش حتى يكتب اسم “مورينو بونيا” بالعربية بشكل سليم…
طبعا، فاش وصلوه الانتقادات وبنادم بدا يسول علاش تصويرة مرسي في لقاء مع مسؤول اسباني، بدل ودار تصاورو مع مورينو بونيا، ولكن ماصححش الاسم.
المهم بنعرفة الى مادار الفضيحة في الواقع كيديرها فتويتر وفايسبوك.