وعالام هاد رئيس البرازيل اليميني شوفو كيفاش حتاقر فرانسا. خلى وزير خارجيتها كيتسنى ومشى يحسن شعرو

الرئيس البرازيلي الجديد خايير بولسونارو عالام وصافي. هاد اليميني المتطرف حتاقر فرانسا ورئيس ديبلوماسيتها جون ايف لودريان. يوم الاثنين 29 يوليوز الماضي خلى وزير خارجية فرانسا كيتسنى ومشى لعند الحلاق ونشر صورتو كاع فوسائل التواصل الاجتماعي.
صحف فرنسية قالت باللي كان لقاء مبرمج فاطار جولة لودريان لامريكا اللاتينية ولكن ما تسوقش ليه رئيس البرازيل. وهاد الشي علاش.
حقاش ما بغاش يسمع دروس فرانسا فحماية البيئة والمناخ وو…
هاد الرئيس كيحتاقر كاع اللي كيهدر ليه على المناخ وما يهدد الكرة الارضية.
Publiée par Jair Messias Bolsonaro sur Lundi 29 juillet 2019