عاش الجمهور الرجاوي صدمة حقيقية بعد إقصاء الفريق ديالو من مسابقة كأس العرش أمام نهضة الزمانرة، الفريق لي عاد طلع من دوزييم دوفيزيون. الرجا خسرات الماتش بثلاثة لجوج أمام جمهور كبير لي بالمناسبة ترحم على ضحايا ملعب تيزيرت بتارودانت وهز لافتة كتب عليها “كوارث العام مقرونة بالتقصير في أداء المهام”، ولافتة أخرى طالب فيها بمحاسبة المسؤولين لي تسببوا في هاد الكارثة. الجمهور كان في نهار وعبر مرة أخرى عن موقفو، ولكن الرجا ماكانتش في نهارها، وقدمت أسوأ ماتش ليها. وخا الرجا سبقات البيت بواسطة أيوب نناح، إلا أن نهضة الزمامرة ماركا التعادل بفضل عبد الصمد المباركي وزاد اللاعب غبرة الثاني. لكن هشام إصلاح سجل التعادل للرجاء. وفي الوقت لي كان كيظن الجميع أن الماتش غادي يسالي بالتعادل، خرج إبراهيم البحري من الجنب وماركا هدف التأهل إلى ثمن نهائي كأس العرش، بالتالي إقصاء الرجاء بشكل مفاجئ. وبدر بانون وبعض لاعبي ديال الرجاء حاولوا الاعتداء على ياسين الحواصلي بعد نهاية المباراة. الحارس الحواصلي ما فكوه غير رجليه، وطلقهوم للريح كون ما هربش كون كلا قتلا ديال العصا. والغريب أن هادشي مازال في البطولة ديالنا للأسف.
