واش أيت منا غادي يدخل للجامعة… الزيات ما شي نائب الرئيس

هشام ايت منا، رئيس شباب المحمدية كيستعد باش يدخل المكتب المديري للجامعة أو شي لجنة فيها خلال الجمع العام لي غادي تعقدو الجامعة نهار الاثنين بقصر مؤتمرات بالصخيرات.
مصادر “گود”، أكدت بلي اجتماعات سرية عقدت في الفترة الأخيرة حول موضوع هشام ايت منا وقرارات أخرى بخصوص الأعضاء لي غادي يمشيو من الجامعة.
هاد المصادر حدد عدد المغادرين في 4 الأعضاء، وهم محمد عدال، لي متابعة من قبل المحكمة بتهمة جرائم مالية، وعبد المالك ابرون، لي ما عندو حتا فرقة، إضافة إلى إسماعيل الزيتوني، رئيس اللجنة الطبية بالجامعة، فيما لم يتقرر بعد في مصير نور الدين بيضي، رئيس سطاد المغربي. اما حميد الصويري، لي كان فلجنة العلاقات الخارجية بالحامعة، ما غاديش يبقا حيت قدم استقالتو شحال هادي.
لكن المؤكد أن جواد الزيات رئيس الرجا غادي يدخل الجامعة ما شي نائب الرئيس، لأن هدا المنصب فيه رئيس العصبة الاحترافية، لي هو سعيد الناصيري، رئيس الوداد البيضاوي، وجمال السنوسي، رئيس العصبة الوطنية للهواة وسطاد المغربي، بقوة القانون. لكن غادي ياخود بوسط 0خر.
فوزي لقجع، رئيس الجامعة باغي الزيات يكون في المكتب المديري باش يكون توازن، خصوصا أن الرجاء مابقا عندها حتى ممثل، بعد استقالة محمد بودريقة والصويري.
كاينة سميات أخرى غادية تدخل الجامعة، ولكن مازال ما تحسمش فيها.