واش الرياضة غادية تبقى ليها وزارة فالحكومة الجاية؟ شي كيقول اييه وشي كيقول للا

توقعت مصادر من الأغلبية، ل”كود، أن قطاع الرياضة غادي يقدر يفقد وزارة فالحكومة المقبلة٬ مبرر هاد المصدر “ما عندها حتى شي معنى باش تبقا أمام وجود عدد من المؤسسات التي تهتم بالشأن الرياضي، بحال الجامعات الملكية لكرة”.
هاد الشي ماشي مقنع يرد مصدر اخر ل”كود” “دول كثيرة بحال فرانسا واسبانيا عندها رياضة متقدمة بزاف وجامعات ووو وفنفس الوقت كاينة وزارة للرياضة. راها غادية تبقى وغادية تدمج فقطاعات اخرى”
مصدر “كود” اللي توقع طير الوزارة رد “ممكن دار مندوبية حكومية تراقب الجامعات الرياضة وباقي المؤسسات الرياضية، مشيرة في نفس الوقت أن وزارة الثقافة غادي تزيد تتقوى فالحكومة الجاية وتقدر تدخل مع وزارة الشباب =يعني تقدر تكون وزارة اسمها وزارة الشباب والثقافة=.
كود” كانت كشفت فوقت سابق ان وزارة الاتصال ما غادياش تبقى وباللي غادية تندامج مع وزارة الشبيبة والرياضة