الدكالي مكرهش يبقا فالوزارة.. كواليس تسليم السلطات لوزير الصحة الجديدة – فيديو

انس الدكالي، وزير الصحة لي طار فالتعديل الحكومي ولي قدم استقالتو من المكتب السياسي لحزب التقدم والاشتراكية بعدما قرر رفاق بنعبد الله الخروج من الحكومة، اليوم سلم السلطات للوزير الجديد البروفيسور خالد ايت الطالب.
“كود” عاينت الدقائق الاخيرة ديال الدكالي قبل مغادرة الوزارة وهو لي كان باغي يبقا ودار المستحيل باش يبقا حزبو ف الحكومة.
الدكالي سلم وزارة الصحة للوزير الجديد البروفيسوز ايت الطالب
Publiée par GOUD sur Jeudi 10 octobre 2019
الدكالي بان بحال ما وقع والو والحقيقة ان اعضاء ديوانو كان حزينين ومرضاوش ومكرهوش يبقا وهوما لي دعموه فاللجنة المركزية فاش دافع على البقاء ف الحكومة.
ف حدود العاشرة ونصف كان الدكالي مع ايت خالد دارو لقاء على انفراد باش يوريه الملفات اللي كان خدام عليهم، واخا الدكالي عاشت اخير ايامو ف فضيحة تمرير صفقة 7 ملايير بطريقة مشبوهة لي تفرشات وتلغات من بعد تنشر كولشي فالصحافة.
من بعد الاستقبال ف المكتب ديال الوزير عاينت كود حالة ترقب ف الوزارة سولنا الموظفين باقي معارفينش منهجية الوزير الجديد ف قطاع فيه صداع ومشاكل كثيرة.
الدكالي سلم وزارة الصحة للوزير الجديد البروفيسوز ايت الطالب
Publiée par GOUD sur Jeudi 10 octobre 2019
الدكالي قال ف حفل تسليم السلطات بأن الوزير الجديد هو “رجل المرحلة، ويجسد الكفاءة والاستحقاق”.
اما وزير الصحة الجديد واخا غير عندو عام ونصف وصعيب يدير داكشي لي قال اليوم، بحيث ركز على العمل ف الميدان وبأنه غايخدم بمنهجية عبز تحقيق السلم الاجتماعي فوزارتو وكذا كسب ثقة المواطن”.
وقال خالد ايت الطالب :”بصفتي تقني لازم نخدمو ف الميدان”.
وعبر ايت الطالب عن شكره للوزير السابق الدكالي.