أولمبيك أسفي ما عجباهش حسي مسي ديال الترجي و1000 بوليسي الماتش

أولمبيك آسفي ما عجباهش حسي مسي ديال الترجي التونسي وزاد تقلق منين ما كيجاوبش على المراسلات ديالو، قبل الماتش، لي غادي يجمع الفريقين بجوج الأحد المقبل، برسم ذهاب ثمن نهائي كأس محمد السادس للأندية العربية.
إدارة أسفي قدم احتجاج رسمي للاتحاد العربي البارح الأربعاء ضد الترجي التونسي بسبب إخلاله بدفتر تحملات هاد المسابقة.
الترجي ما كيردش على مراسلات أسفي لمعرفة فوقاش غادي بجي للمغرب وعدد الجماهير لي غادي ترافقو لأسفي. كلشي هادشي خاص الفريق الضيف يكون على علم بها مسبقا، باش ياخد على ضوئها الإجراءات اللازمة.
قانون المسابقة كايتص على ضرورة يكون تنسيق بين الفريقين المتباريين قبل الماتش، لكن الترجي التونسي اختار أسلوب آخر بعيد عن مبادئ الروح الرياضية. باختصار باغي يجي حسي مسي للمغرب.
أولمبيك آسفي خصص 500 تذكرة لانصار الترجي التونسي، وخاصو يقبط فلوسها قبل الماتش وإلا غادي يضطر يبيعها لأنصاره وجماهيره اللي محتاج ليها في هاد الماتش بالضبط.
السلطات الأمنية خصصات 1000 بوليسي لهاد الماتش بغاتو يدوز ف ظروف مزيانة وغادي تكون إحراءات مشددة باش ما توقعش شي فوضى الا قدر الله.
.