الوالي الجامعي فرض “الويكلو” على ديربي وجدة وبركان.. الجمهور باغي يخرج للشارع ورئيس المولودية هدد بالاستقالة

معاد الجامعي، والي جهة الشرق فرض “الويكلو” على ديربي الشرق لي غادي يجمع مولودية وجدة بنهضة بركان نهار الأحد المقبل بالملعب الشرفي ف وجدة، برسم الدورة السابعة من منافسات البطولة.
هاد القرار اغضب مسؤولي مولودية وجدة والأنصار ديالو، لحقاش هوما لي مستقبلين هاد المرة، واعتبرو أن القرار مجحف وغير قانوني.
السلطات الأمنية في وجدة متخوفة من تكرار سيناريو العام، لي فات، بعدما وقعت فيه أحداث شغب مؤلمة جراء التراشق بالحجارة بين جمهور المولودية وبركان، وربما لهاد السب غادي يتلعب الديربي المقبل دون جمهور.
لكن، وجادة ما متفقينش على هاد القرار، لأنه غير منصف لفريقيهم، وكان على السلطات الأمنية منع الجمهور البركاني من التنقل إلى وجدة، على أساس منع وجادة من حضور مباراة الإياب.
واستغرب مسؤول بالمولودية “علاش الوالي مصر على منع الجمهور من حضور الماتش، وإلا كان هادشي ضروري كان عليه يمنع جمهور بركان باش ما يجيش گاع لوجدة وكفى شر المؤمنين القتال”.
الجمهور الوجدي هدد بمسيرة احتجاجية غدا الجمعة إذا تمسك الوالي الجامعي بقراره ويمكن يستمر الاحتجاج في الشارع العام حتا نهار الماتش، الشي لي يمكن يوضع السلطات المحلية والأمنية في موقف حرج.
حتى رئيس المولودية محمد هوار ماراضيش بقرار الجامعي، وهدد الاستقالة الا تقرر الويكلو، لحقاش ما كايخدمش مصلحة فريقه.
Envoyé de mon iPhone