الروينة لي نايضة على مسلم غير حيت طلق المحجبة بنت الحومة ومشا عند أمال صقر مولات المؤهلات أما كون دار العكس كولشي غادي يفرح ليه ويعتابروه رجع للطريق الصحيح أي غرق فالبؤس الوجودي بحالهم وغادي يرجع يعيش أجواء الدجاج مقلّي ونيكة الواليدين

رجل المهمات الصعبة حقق الحلم المغربي، بدا واحد المسار من الزيرو وكمل فيه حتى وصل للقمة ودار منو الصرف، ودابا راه بين يديه أشهر ملف ساخن فالمغرب، أمل صقر حلم الرجل المغربي المكافح لي باغي يزهى ماشي يدير الولاد، فنانة ومشاهير كثار كيطلقو ويعاودو يتصاحبو وتاواحد مكيديها فيهم ولكن لي خلا خبار مسلم تاخد هاد البعد هو أنه حاليا من أكثر الرجال محسودين في المغرب، طبعا هادشي فيه نقاش والأذواق تختلف ولكن بما اننا شعب بدوي جديد على الحضارة أغلبنا في الداخل ديالو كاين فونطازم ديال قايد أيام الإستعمار ديال برادو في قبو وداير شيخاتو في جنبو فين ماوصل يلعبو، فكيبقى حاليا مسلم هو القايد دابا وحامل اللواء من بعد الفيزازي في الفتوحات الطنجاوية مكذبا أسطورة الشماليين باردين.
بزاف ديال المغاربة ماشي ضد هجر الزوجة والزواج من الصاحبة بل مع الجمع بينهما بالود والمحبة والسر، ولكن لي ضدو بزاف ديال منتقدي مسلم هو علاش ولد سبيلة الجماعة لي كيبقى غير رابور وماشي شي مسؤول كبير أو سياسي أو بوكرش مولى مال لي ديما هوما لي كيفوزو بالوجوه الإعلامية المثيرة والشهيرة، ومسلم خلق إستثناء خلى منتقديه يحركهم الحسد والغيرة والإنتقاد كان بغرض التشفي والتنقيص، والسيد فالواقع مادار حتى شي حاجة لي غالطة، أي جوج ديال الناس مرتابطين يمكن يفكو هاد الإرتباط فوقاش ماطلعو فراس بعضياتهم.
الزواج ماشي حكم بالمؤبد غير قابل للعفو بل هو إتفاق بين زوج ديال الناس أنهم يشاركو حياتهم لاطول فترة ممكنة وتقدر تطول العشرة مدى الحياة ويقدرو يفرتكو الشمل من بعد سيمانة واخا يديرو طاشمة ديال الولاد هادي هي الحياة، العيب كل العيب هو تبقى المرأة كتستمد قيمتها ككيان من تعريفها الإجتماعي كمتزوجة وبولادها، وخاصها تحافظ على الزوج بحال الى هو عندو خلل ذهني كيخليه فين ما شم ريحة الصاروفة يتبعها وهي خاص تمشي تردو باش تسمى زوجة صالحة، وهاد الروينة لي نايضة على مسلم راه غير حيت طلق المحجبة بنت الحومة ولي داير معاها الولاد ومشا عند نجمة الإغراء، أما كون كان مزوج بأمل صقر وطلقها وتزوج بوحدة محجبة كولشي غادي يفرح ليه ويعتابروه رجع للطريق الصحيح أي غرق فالبؤس الوجودي بحالهم وغادي يرجع يعيش أجواء الدجاج مقلي ونيكة الواليدين.