علاش تايفرح المسلم لموت الكافر

لبارح مات الدكتور محمد شحرور وسواء اتفقنا معاه فمحاولته لتجديد الدين الإسلامي ولا ما تافقناشمعاه، الموت ما خصهاش تكون مناسبة باش نتشفاو. كلنا غا نموتو، وتا واحد ما يبغي أن عائيلتووحبابو يتآذاو بكلام لاإنساني بعد الموت ديالو. للأسف عودونا بعض أصحاب اللحى للي نصبواأنفسهم حراسا للمعبد، أنهم يخرجوا مثل خفافيش الليل باش ينبشوا فجثت الموتى. مباشرة بعد خبروفاة الدكتور شحرور، بداو هاد المغيبين تايتقياو علينا فمنشورات كلها خطاب كراهية.
السؤال هنا هو شنو للي تايخلي إنسان عادي يتشفا فموت المخالف؟ الجواب بسيط: الدين!
فأحاديث كثيرة بين الرسول أن التشفي فالكافر مزيان. يقدر يجي معترض يجبد حديث “لا تسبواالأموات”. نعم هاد الحديث كاين ولكن لا علاقة له بالكفار واللي بحالهم من المنافقين “أعداء الله”. مادام شحرور واللي بحالو يعتبرون كفار عند أهل السنة والجماعة، إذن التشفي فيهم ما فيه تا مشكل!
واحد المرة كانت دايزة جنازة حدا الرسول، فقال ليهم “مستريح ومستراح منه” قالوا ليه كيفاش؟ قالليهم المرتاح هو المؤمن، وللي مرتاحين منو هو العبد الفاجر، تاترتاح منو لبلاد والعباد والشجروالحيوانات!
واحد المرة أخرى الرسول والصحابة دازوا على جنازة واحد فقالو فيه هدرة زوينة ثم دازوا على جنازةواحد آخر قالو عليه هدرة خايبة، وفكل مرة قال ليهم الرسول “وجبت”، يعني للي هدرتو عليه زوينوجبت له الجنة ولي هدرتو عليه خايب وجبت له النار!
بسبب هاد القدوة “الحسنة” كانوا المسلمين تايفرحوا على مر التاريخ بموت الأعداء. مثال على هذاالإمام إبراهيم النخعي نهار وصلو خبر موت الحجاج، بكا بالفرحة! والإمام إبن النقيب فرح بزاف لموتابن المعلم، فقيه الشيعة، لدرجة أنه قال: حضرت لموت ابن المعلم، صافي! فوقما بغات تجي الموت داباغي تجي!
لهذا ما خصناش نستغربو من ناس مازال مؤمنين بأن العالم مقسم لجوج، مؤمن وكافر، وأن كرهالكافر جزء من العقيدة.
طبعا العاقل، يلا تأمل فالأمر، غا يجيه مضحك. لأن المؤمن تايتعامل مع الأمور وكأن الله هو للي قتلهاد الإنسان، للي فعمرو 81 سنة! باش يريح العالم من الشر ديالو. الله بحال بدر هاري ديالالمسلمين، تايقين فيه أنه غا يفرحهم مرة مرة، بحال يلا زعما هاد الله ماشي هو للي خلق شحرور وكانعارفو شنو غايدير؟ الموت حاجة طبيعية ما تاتفرقش بين هذا مؤمن وهذا كافر، بل بالعكس الكفار هوماللي تايعيشو أطول فالغالب.
مهما كان الاختلاف، خاص الإنسان يتحلى على الأقل بالحد الأدنى من الأخلاق ويسد فمو، يلا ماعندو تا حاجة زوينة يقولها. نعم يحق ليك تكره، أنت حر في ذلك، ولكن علاش تضر أهل وأحباب الميت؟