وزراء الحكومة السابقة هضرات معاهوم “كود” وكُل واحد آش كيدير دبا: شي كيلعب مع لحفاد وشي يشرف على مناقشة الدكتوراه وشي رجع لخدمتو الاصلية

وزراء الحكومة السابقة ديال سعد الدين العثماني كول واحد وآش كيدير فهاد الوقت. “كود” هضرات مع عدد منهم وشي رجع لخدمتو وشي كريتاح وكيلعب مع لحفايد وشي مقابل الأنشطة الحزبية، وكان اللّي رجع لخدمتو.
محمد الأعرج، الوزير السابق وزارة الثقافة والاتصال، قال في حديثه معه “كود”، أنه يشرف حاليا على مناقشة عدد كبير من الدكتوراه في مجال القانون الدستوري والعلوم السياسية في جامعة السويسي وجامعة طنجة ووجدة اللّي خدم فيها بزاف.
وفي اتصال أجرته معه “كود”، قال لحسن الداودي، الوزير المنتدب السابق لدى رئيس الحكومة المكلف بالشؤون العامة والحكامة، أنه يتعرف من جديد على عائلته الصغيرة، كما يقضي بعض الوقت في اللعب مع أحفاده.
من جهتها، كشفت الوزيرة السابقة للأسرة والتضامن والمرأة والأسرة والتنمية والاجتماعية بسيمة الحقاوي، ل”كود”، أنها خدامة على البحث العلمي وكتكملو حقاش كانت موقفة الدراسة الجامعية ديال سلك الدكتوراه حقاش كانت عندها مسؤولية حكومية.
وبالإضافة إلى ذلك، قالت الوزيرة السابقة على أنها متفرغة أيضا للأنشطة ديال حزب العدالة والتنمية، مشيرة إلى أن الدكتوراه كانت باديها في موضوع علم النفس الاجتماعي، ودبا غير كتكمل وصافي.
أما عبد الأحد الفاسي الفهري، الوزير السابق لإعداد التراب الوطني والتعمير والسكنى وسياسة المدينة، فقد أوضح أن عندو أنشطة سياسية وجمعوية كثيرة، وعاطي شويا ديال الوقت للعائلة. كما أبرز أنه يستعد باش يسافر شويا لأسباب عائلية.
كما كشف الوزير السابق وعضو المكتب السياسي لحزب التقدم والاشتراكية أنه متفرغ حتى لمشاريع مهنية ديالو في مجال اختصاصي واللي هو التكوين في مجال التدبير، مقابل أمور متنوعة بحال المطالعة والفن والرياضة شويا.
وزير التشغيل والادماج المهني السابق، محمد يتيم، بدوره أكد ل”كود” أنه متفرغ حاليا للعمل الحزبي من خلال حضوره لأشغال اجتماعات الأمانة العامة لحزب العدالة والتنمية، مشيرا إلى أنه بعد التجربة الحكومية عاد إلى عمله العادي، بالإضافة إلى أنشطة فكرية وثقافية.
عبد الكريم بن عتيق، الوزير المنتدب السابق لدى وزير الخارجية المكلف بالمغاربة المقيمين في الخارج وشؤون الهجرة، كشف في اتصال أجرته معه “كود”، أنه عاد لمكتبه ديال الوساطة والتحكيم الكائن بحي الرياض ف الرباط، مؤكدا أنه كيدوز وقتو ف المكتب ديالو.
الكاتبة السابقة للدولة اللي كانت مكلّفة بالصيد البحري، مباركة بوعيدة، حتى هي هضرات معاها “كود”، وأكدت أنها خدامة على جهة كلميم واد نون باعتبارها رئيس لهاد الجهة، معتبرة أن هاد الأمر حاجة أساسية عندها وكتاخد الوقت، مشيرة في نفس السياق إلى أنها متفرغة للعمل السياسي بالجهة المذكورة، من خلال العمل الميداني وتعمل على تحريك عجلات الجهة ونموها.
لمياء بوطالب الكاتبة السابقة للدولة لدى وزير السياحة والنقل الجوي والصناعة التقليدية والاقتصاد الاجتماعي مكلفة بالسياحة، قالت ل”كود” على أنها رجعات لخدمتها وصافي.