أغنية “D.D.D” ضربات مليون مشاهدة في اليوتوب ولكن ماطلعاتش طوندونس.. والبيكَ: الطوندونس لا يستحمل عقد النكاح

الكلاش لي دار توفيق حازب “بيكَ” مع “طوطو” ضرب مليون و300 ألف مشاهدة في اليوتوب في نهار واحد، لكن مطلعش نهائيا في الطوندونس ومابانش وسط الفيديوهات الأكثر مشاهدة في المغرب.
بزاف ديال متتبعين البيكَ كتبو ليه وسولوه على السبب وكتب في ستوري على انستكَرام البارح الأحد “الطوندوس لا يستحمل عقد النكاح”.
وقال الرابور “الدراري ليست هناك أية مؤامرة. الأغنية غادة مزيان لكن أنا داير مونسيون ماكتدوزش في الطوندونس نورمال”.
الفيديو كليب الجديد اللي اسمو " d.d.d" واللي كيعنيو بيه "دق دور دوق" واللي دار نص مليون مشاهدة فأقل من 24 ساعة كلاشاو فيه ديزي دروس، اللي دكروه بواحد من ألقابو اللي هو "نيكَا" لي هي "عزي" ولي مشهور بيها عمر السهيلي بعيدا على العنصرية (نيگا nigga اسم كيطلقوه السود ديال مريكان على بعضياتهم وماعندو علاقة بنيگر nigger لي هو نعت قدحي وعنصري).
ولحد الآن ديزي دروس مادار حتى تفاعل في صفحتو الانستكَرامية لي عادة كيعبر فيها على رأيو.