دنيا باطمة متابعة فقضية عصابة “حمزة مون بيبي” وعندها مازال الوجه لي تدوي بيه على الأميرات وعيالات الأمراء -تصاور

المغنية دنيا باطمة وجهها صحيح ومازال زايدة في ضسارتها.
السيدة لي متهمة في قضية خايبة ديال عصابة “حمزة مون بيبي” حطات اليوم تصويرة ديال أم كلثوم الفارسي مرات الأمير مولاي رشيد وكتبات عليها “عيد ميلاد سعيد للأميرة لالة سكينة”.
وملي عرفات دنيا الخطأ قادات التعليق وكتبات “كل عام وانت جميلة الجميلات لالة أم كلثوم”. ودارت هاشتاكَ “#الله الوطن الملك”.
View this post on Instagram
كل عام وانت جميلة الجميلات لاله ام كلثوم ❤️ #الله_الوطن_الملك????????
A post shared by Dunia Batma ???????? ???? (@dunia_batma) on Feb 3, 2020 at 5:53am PST
السؤال لي كيطرحوه بزاف هو كيفاش المغنية غارقة حتال الوذنين في قضية عصابة متخصصة في الابتزاز والتشهير وفضحو الناس وخرجو على حياة آخرين، ورغم ذلك كتدوي على الأميرات وعلى عيالات الأمراء.
دنيا متابعة في القضية هي وختها في حالة سراح وخلصو 80 مليون كفالة، زيد عليها محيدين ليهم الباسبورات، وواخا هكاك المغنية كتبين راسها مامسوقاش وكتقول “مديرش متخافش”، لكن كيف ديما كتدير تصرفات غير محسوبة وخاص تعلم شنو تحط وكيفاش تتعامل حيت حاليا صورتها محروقة.