المنصوري: بقناعة ختاريت نصوت على وهبي لشجاعتو ونزاهتو وكفاءتو واول مرة كنعيشو تمرين ديموقراطي فالبام

اعلنت فاطمة الزهراء المنصوري رئيسة المجلس الوطني لحزب الاصالة والمعاصرة في تدوينة لها على صفحتها على الفايسبوك دعمها لعبد اللطيف وهبي في سباقه لمنصب الامين العام ايام قبل المؤتمر الرابع. وبررت المنصوري هاد الاختيار “انا درت اختيار بقناعة. ختاريت نصوت على وهبي لكفاءتو ولنزاهتو وبشجاعتو. بلادنا محتاجة لرجال ونساء سياسيين عندهم الشجاعة باش يدينو شي حقائق ويفكرو فالحلول. بغيت بلادي تربح”
المنصوري قالت ان حزبها كيعيش “لاول مرة تمرين ديموقراطي زوين. 5 المرشحين كيتنافسو باش يقنعو مناضلينا ببرامجهم”
وعبرات رئيسة المجلس الوطني على استغرابها من شي وحدين كيقولو ديموقراطيين اللي ما قدروش يقبلو بها. دارو محاولات باش يتأجل المؤتمر. دابا كاع مناورات التأجيل وكاع التهديدات والتنوعير. كلشي هاد الشي فشل. هاد الشي مثير للشفقة. دابا كنقول باللي المؤتمر غادي يتعقد وباللي الديموقراطية غادية تمارس وباللي بام 2020 غادي يفتح عهد جديد واخا هاد الشي ما غاديش يعجب شي وحدين عندهم ديكالاج مع مغرب اليوم.