بالفيديو. حصري. بونو ل”كود”: باغي نسالي مسيرتي الكروية مع الوداد مع الفريق الام وها كيفاش كندوز نهاري هنا

ولد الحمرا ياسين بونو باغي يسالي الكاريير ديالو مع الحمرا. هاد الشي اللي قالو ل”كود” فحوار حصري فاشبيلية اللي كيلعب مع فرقتها “اف سي”.
حارس المنتخب قال ل”كود” ان الضغط فالوداد اللي بدا فيها وتعلم فيها الكورة “كان مختالف”. بخصوص احترافو ومغادرتو للنادي قال ل”كود” “كنت مع الوداد والعقد ديالي قريب يسالي. كان عندي الزهر. فديك الوقيتة كان عندي مستوى مزيان. جاتني فرصة الاحتراف وطبعا ما فوتهاش”.
بوبو قال ل”كود” باللي فاندية بحال الوداد خاص الواحد يحتارف قبل ف23 عام. حيت سن زوين. ولكن باش يوصل 25 كيصعاب شوية الاحتراف “حيث فالوداد٬ ايلى عندك اكثر من 25 عام كيصعاب شوية الاحتراف تقدر تحتارف ولكن كيصعاب”
دابا بونو اللي تزاد فكندا عايش تجربة احترافية مزيانة ف”لاليگا”. بدا مع اتلتيكو مدريد ومشى لخيرونا الكاتالونية ودابا مع “اف سي اشبيلية”٬ قال باللي دابا “كنتمى نزيد نكمل ونطلع مستوايا فاوربا ومع المنتخب الوطني تكون مسيرة يفتاخرو بها”.
طبعا بعد هاد التجربة قال بونو باللي باغي يرجع يعتازل مع الوداد “بعد مسيرة كروية٬ غادي يكون زوين من بعد نعتازل فالوداد. فريق الام”. الوداد اللي كان فيها فالوقت اللي كان حارسها الرسمي هو نادر لمياغري
بونو كشف ل”كود” كيفاش كيدوز نهارو مع ناديه الاندلسي الجديد من غير التداريب “كتفيق. كتجي للنادي. هنا كنفطرو مجموعين. كنتغداو مجموعين. بعض المرات نتغدى فالدار. ضروري الاجواء العائلية. العشية يرتاح وكيفكر فتداريب الغد”