جدل كبير مرافق اليوتوبوز المغربية لي تشلل ليها وجهها بعد اشهار لكلينيك في كوريا.. هي كتبكي وتطلب المساعدة وبعض الناس كيأكدو أنها باغة غير البوز – فيديو

قصة اليوتوبورز المغربية سارة جو لي كتقول أنها تعرضات لشلل نصفي في وجهها بعدما دارت اشهار لكلينيك في كوريا الجنوبية مختصة في العلاج بالابر الصينية، مازال مستمرة.
سارة خرجات في ستوريز البارح كتبكي وتقول أن المشكل الكبير عندها في العمود الفقري لي كيضرها بزاف والتنمل الدائم لي شاد ليها يدها ورجليها لدرجة أنها كتبقا متكية في الأرض.
اليوتوبوز لي مستقرة في ميريكان قالت أن طبيب متخصص قال أنها فقدات الحواس في النص ديال وجهها وأنها تقدر ترجع القدرة من بعد مدة ديال 6 أشهر من العلاج.
لكن في المقابل بعض التعاليق والصفحات الكبيرة المتخصصة في أخبار المشاهير قالوا أن المغربية باغة البوز فقط، وأن القصة كاملة هي من وحي خيالها باش تلفت الانتباه.
من جهتها أكدات سارة أنه مايمكنش دير البوز وتقلب على الشهرة بهادشي، خصوصا أن سفارة المغرب دخلات على الخط باش يلقاو حل، وقصتها وصلات للعالم العربي.