ضحك البناية كيرجع ببوزموي. صحافية ف”ميدي 1 تي في” بغات تقشب بكورونا فيروس خلعات كلشي. مصدر ل”كود”: ما كاينة حتى شي وثيقة كتمنع السلام بين الصحافيين

كود كازا ///
علمت “كود” ان قصة تعميم قناة “ميدي 1 تيفي” لملاحظة علقاتها فالحيط فهاد الادارة كتمنع الصحافيين والتقنيين من التسلام والبوسان بسباب “كورونا فيروس” داخل ف”ضحك البناية”.
وفق مصدر “كود” فهاد القضية ما كايناش وما كاين حتى شي حاجة تعلقات فالقناة بهاد الشي. مصدر “كود” اكد ان كل ما فالامر ان شي صحافية بغات تبسط ودارت فيديو كتضحك فيه ومن بعد رجعاتو ستوري وتنشر فصفحة خاصة بها فوسائل التواصل الاجتماعي.
دابا هاد الضحك غادية تهجرو. وفق مصدر “كود” فان ادارة القناة فتحات تحقيق باش تعرف اش وقع وشكون وراه. طبعا اللي حصل غادي يودي. ما كاينش اللعب ولا الضحك بهاد الامور