رؤساء دول منعو السلام وقللو من انشطتهم مع “كورونا ڤيروس”. واش ما ضروري خاص الملك يدير انشطة بحال اللي دار اليوم ففاس فيها استقبال وسلام ووو

اليوم الملك محمد السادس عطى بحي بنسودة بمقاطعة زواغة بفاس انطلاقة اشغال “المركز الطبي للقرب -مؤسسة محمد الخامس للتضامن” باستثمار إجمالي يبلغ 75 مليون درهم، كما طلب إنجاز مركزين إضافيين بكل من فاس وطنجة.مراكز صحية فزمن “كورونا ڤيروس” مزيانين كتحسن خدمات التكفل الطبي وكتقرب البنيات الصحية من المواطنين وكتقدم علاجات اساسية لفئات ضعيفة وكتسرع التدخلات في الحالات الطبية المستعجلة، وكتضمن تتبع طبي دوري ومنتظم للأشخاص الذين تستدعي حالتهم الصحية فحوصات متخصصة.هاد المركز واحد من مراكز اخرى داخلين فمؤسسة محمد الخامس للتضامن. كان واحد فاليوسفية بالرباط والثاني بسيدي مومن بكازا ودابا ففاس وغادي يكون واحد فتمارة وبني مكادة وواحد اخر فالرحمة فكازا وحي كريمة بسلا ومراكش اخرى غادية تكون فحي ليساسفة بالدار البيضاء، وأكادير ومراكش.
هذا المشروع ديال فاس هو شراكة بين مؤسسة محمد الخامس للتضامن ووزارة الصحة ومجلس جهة فاس -مكناس والمجلس الجماعي لفاس. غادي يدار فعامين.
هاد الشي كولو مزيان غير مع زمن كورونا من الاحسن رئيس الدولة اي محمد السادس يقلل الانشطة اللي فيها سلام وبوسان اليد وتدشين. راه رئيس فرانسا بحال ماكرون قلل انشطتو الرسمية ودارو ليه بروطوكول اليقظة ومنعوه يسلم بيدو. الملك ايلى قلل من هاد الانشطة دابا مزيان. واخا المغرب فيه غير حالة مؤكدة لحد الان حسب وزارة الصحة وجاتنا من الطاليان وناعسة فكازا ولكن هاد المرض خاص الواحد ياخد حدرو منو.