الطبيب للي فيه "كورونا فيروس" جابها فراسو. تقرر يتابعوه هو ومندوب الصحة ومول لكنيك اللي سد

قال بيان لوزارة الصحة انه التحقيقين اللي تفتحو على كلينيك بتطوان بين باللي كاين نقص فالقواعد الديونطولوجية والاخلاقية بوضع حياة الغير في خطر كما بين هاد التحقيقين ان الطبيب اللي تصاب ب"مورونا فيروس" ماشي طبيب نساء بل طبيب عام وباللي كيدعي اختصاص وهو ما عندوش كما كشف هاد التحقيقين انه كان هناك نيكليجانس وعدم القيام المندوب الاقليمي للصحة بالاضافة الى مده معلومات خاطئة.
البيان قال انه تقرر اغلاق الكلينيك ومتابعته قضائيا واداريا وانه تم الاستمرار فهاد البحث القضائي اللي تفتح
اللي وقع ان هاد الطبيب كان فاسبانيا وبالضبط مدريد مع مراتو٬ وباش جا قالت ليه السلطات سير دير الحجر الصحي لراسك. عوض يبقى فدارو جا يخدم ودار عمليات وتلاقى مع صحابو الاطباء وباقي الموظفين وباش كانو كيسولوه كان كيكذب وكيقول راه داير الحجر حتى نهار تفرش ولقاو فيه كورونا فيروس