ابتداء من اليوم.. مصحة الرازي التابعة ل"لاسينيسيس" غادي تولي تعلج المصابين بكورونا

وأخيرا الدولة غادي تشرك القطاع الخاص فهذ المحنة ديال فيروس كورونا المستجد "كوفيد 19″، اليوم الاثنين بدات التحضيرات باش المصحة الخاصة الزيراوي، التابعة للصندوق الوطني للضمان الاجتماعي، تستقبل المصابين بالفيروس.
المدير ديال الكلينيك، اللي جا فدرب غلف فكازا، كلف راسو باش يشرح للأطر الطبية اللي خدامة معاه، وخصوصا عناصر قسم الإنعاش، مجموعةمن النقاط، باش يستوعبو ويتاقلمو مع الوضع الجديد.
الأطر الطبية فالكلينيك اللي دارتو "لاسينيسي" من 1979 مايخصهومش فقط يعرفو كيفاش يتعاملو مع المرضى ويعالجهم، لكن حتى كيفاش خاصهم يتصداو لهذ الفيروس على المستوى الوقائي، وكيفاش يحافظو على سلامتهم وسلامة صحتهم وصحة عائلاتهم واخا يكونو يعالجو مرضى كوفيد19 بشكل يومي.
وللإشارة فمدينة الدار البيضاء كتعرف إصابة أكبر عدد من الاشخاص بفيروس كورونا، بحيت وصلات ل275 إصابة غير هيا وحدها، وهذشي خلا السلطات المحلية، بشراكة مع جهة كازا وجماعة كازا، تدير صبيطار ميداني، وتخصيص مصحة الرازي لهذ الصدد أيضا غيخفف الزحام والاكتظاظ اللي كاين فالسبيطارات العمومية اللي كتستقبل مرضى "كوفيد 19" فالإقليم.