فزمن كورونا.. رجاء بلمير شربات الدوا ديال الأعصاب والأطباء حارو فحالتها الصحية

مع الحجر الصحي لي فارضو المغرب للحد من انتشار فيروس كورونا، بزاف ديال الناس استغلو الفرصة باش يخملو الدار ويجبدو الأرشيف.
المغنية رجاء بلمير قالت عبر حسابها في انستگرام، انها لقات ورقة ديال الطبيب كترجع لعام 1999 ملي كانت عندها 8 سنين، وكشفات على واحد الفعلة دارتها.
وقالت رجاء أن الواليد ديالها كان مريض بالأعصاب وكياخد واحد الدوا لي ديما كيوصيوها هي وخوها ميقربوش ليه. لكن واحد نهار تناقشات مع ماماها وناضت شربات 5 ديال الحبات منو، وهادشي لي دار ليها بحال الهلوسة وخلاها كدير تصرفات مامفهوماش.
الأطباء حارو في الحالة الصحية ديالها وطلبو أنها دير سكانير على راسها، وهي لأنها كانت صغيرة مقالتش ليهم أنها شربات دوا.
وأكدات المغنية، أنها بقدر ما هي مبردة بقدر ما هي معصبة وردود أفعالها كيكونو قاصحين.