فاس: "الديستي" مشاركة بقوة فعمليات رصد المخالفين ل"حالة الطوارئ الصحية" وتحصين الأمن الصحي: تتبع كل التحركات للسيطرة على الوضع الوبائي

المديرية العامة لمراقبة التراب الوطني المعروفة اختصارا ب"الديستي" مشاركة بقوة في مخلتف العمليات الأمنية التي تقوم بها مصالح الأمن الوطني بالعاصمة العلمية فاس لرصد كل واحد مخالف حالة الطوارئ الصحية، خاصة بعد رصد بؤرة للفيروس ب"بُرج فاس" أحد أكبر المراكز التجارية بالجهة.
ووفق ما كشفت عنه مصادر "كود"، فإن عناصر من "الديستي" دايرة خدمة زوينة ومواكبة عن بعد كل التحركات المشبوهة ديال الناس اللّي كيخرجو من المنازل ديالهوم بلا شي مبرر، وزيد عليها داك الفئات اللي عزيز عليها غير كتخرج تدور وخا عندها الرخص الاستثنائية باش تخرج.
ويحاول جهاز "الديستي" تقديم كل المعلومات الدقيقة اللي كيتوفر عليها باش يعاون الأجهزة الأمنية التي رفعت من درجة يقظتها مباشرة بعد ارتفاع عدد المصابين ب"كورونا" فيروس بتنسيق مع السلطات المحلية. هاد الجهاز اللي فيه أطر شابة مشهودة لها بالكفاءة خدامة على تحصين الأمن الصحي ديالنا.