وزارة العدل غاتبدا بإجراء المحاكمات فالقضايا الزجرية عن بعد.. وغتوفر 130 ألف كمامة للمحاكم وتستمر فتعقيمها

علنات وزارة العدل بللي شرعات فالإجراءات التقنية واللوجستيكية لتأمين عملية التقاضي عن بعد بشأن القضايا الزجرية، حيث من المقرر أن تنطلق هذه العملية بداية من الأسبوع المقبل، وهذشي بتنسيق مع المجلس الأعلى للسلطة القضائية ورئاسة النيابة العامة و المندوبية العامة لإدارة السجون و إعادة الإدماج.
وقالت وزارة العدل، فبلاغ ليها حصلات "كود" على نسخة منو، بللي تكلفات بتعقيم جميع المحاكم اللي كاينين فالمغرب فالفترة بين 13 و19 أبريل 2020، وبتنسيق المسؤولين القضائيين والمرتفقين، بمعدل مرة وحدة فالأسبوع، وأكدات بللي التعقيم غادي يبقى مستمر حتى لبعد هذ الفترة، وهذشي فإطار التدابير الوقائية اللي دارتها الدولة للحد من تفشي وباء فيروس كورونا المستجد.
بللي غادي تفرق على المحاكم الكمامات الواقية اللي كانت شراتها، واللي كيبلغ العدد ديالها 130 ألف كمامة، كذلك غدي ترفع من وتيرة التعقيم، وغادي تواصل توفير مواد التعقيم والتطهير الكافية والوقاية لفائدة مختلف المحاكم، وكل محكمة حسب احتياجاتها.
وفاتباعها لقرار وزارة المالية والاقتصاد المتعلق بضمان الخدمات الرقمية للمراسلات الإدارية، علنات وزارة العدل، فالبلاغ نفسود على اعتماد مكتب للضبط الرقمي اللي تطور من طرف وكالة التنمية الرقمية، واللي فيه غيتم التوصل بالمراسلات الموجهة للوزارة، وكيمكن الدخول ليه من هنا: Courrier.gov.ma/virtualbo
وعلنات على اعتماد تقنية التبادل اللامادي لتدبير طلبات التعاون القضائي الدولي اللي عندو طابع الاستعجالي مع نظرائها الأجانب وفق ما تسمح به اتفاقيات التعاون الدولية المبرمة فهذا الإطار ، وهذشي لأهمية استمرار التعاون في مكافحة الجريمة وضبط مرتكبيها خاصة الجريمة المنظمة عبر الوطنية بالنسبة ليها.