وزارة الصناعة: الكمامات مزيانة ومتقونة الصنع.. وكتتستعمل 4 دالسوايع وتتلاح.. واللي غش فتصنيعها وتجاهل المعايير التقنية القياسية غيتعرض للمتابعة القضائية

علنات وزارة التجارة والصناعة والاقتصاد الأخضر والرقمي، بللي صبح تصنيع الكمامات الواقية من الثوب غير المنسوج خاضعا لإلزامية الامتثال للمعايير التقنية التي تحددها المواصفة القياسية المغربية NM ST 21.5.200، وهذشي كيحددو قرار وزير الصناعة رقم 1060-20 المؤرخ في 8 أبريل 2020 بالجريدة الرسمية.
وأكدات الوزارة، فبلاغ ليها توصلات "كود" بنسخة منو، بللي هذ القرار كيخضع لنظام مرجعي إلزامي بالنسبة لكافة مصنعي وموزعي الكمامات الواقية اللي كيدعمها الصندوق الخاص بتدبير جائحة كوفيد- 19، واللي تدحح الثمن ديال البيع ديالها ف80 سنتيم للوحدة، والوزارة كتراقب بشكل منتظم مدى مطابقة الكمامات للمتطلبات التقنيةد وأي إخلال بهذ المتطلبات كيتبعو إعداد محضر، وكيعرض المخالف للمتابعة القضائية.
والهدف المتوخى من هذ الكمامات، حسب الوزارة، هو تزويد المواطنين بها، واستجابتها لكَاع معايير السلامة، وسماحها بالحد من انتقال الفيروس قدر الإمكان.
وخاص الكمامات، حسب المرسوم، تكون مصنوعة من البوليبروبيلين البكر، وتتكون من ثلاثة ديال الطبقات متراكبة من ثوب غير منسوج قابلة للترشيح بالتصفية، بشكل يمكن من تغطية أنف وفم وذقن المستعمل، و"وفقا للخصوصيات التقنية، كيخص على تكون أجزاء الكمامة المحتمل ملامستها لجلد خالية من أي حافة حادة، وماخصش تتسبب فاي مخاطر للبشرة والجلد او يكونو عندها أعراض جانبية، وخاص توب التصنيع مايكونوش فيه المعادن الثقيلة، ومايعيقش التنفس".
وحسب القرار نفسو، خاص تدار الكمامات في عبوات تضم 10 كمامات، وممنوع تتباع بالتقسيط، او تكون كتحمل بيانات كتدل على المصنع، وتكون إشارة مفادها بللي هذ المنتوج "لا يصنف كمنتوج طبي".
واشارت الوزارة بللي هذ الكمامات هي ذات استعمال واحد، وغير قابلة لإعادة الاستعمال، وماخاصش تتجاوز مدة استعمالها 4 ساعات.