ورزازات سجلات 87 إصابة جديدة وجهة مراكش 38 حالة شفاء.. وها الحصيلة الوبائية لفيروس كورونا فالجهات والأقاليم اليوم الجمعة

بسباب بؤرة حبس ورزازات اللي تعلن فيها على 133 مصاب بفيروس كورونا المستجد فالطوطال، سجلات هذ المدينة، وغير بوحدها، 87 إصابة جديدة بالفيروس، بلا مايعرفو الأقاليم لخرى حتى شي جديد فدرعة تافيلالت، باش يطلع عدد المصابين فالطوطال فالجهة ل371 مصاب.
واستنادا للمعطيات اللي ورداتها مديريات الجهات فصفحاتها الرسمية ففيسبوك، والمتعلقة بالرصد الوبائي لكورونا فهذ 24 ساعة الأخيرة، فدرعة تافيلالت بهذ الروكور الجديد خدات بلاصة جهة الرباط سلا القنيطرة، وولات كتحتل المركز الخامس فالمغرب من حيث عدد الإصابات فالجهات.
وعلى ذكر جهة الرباط، اللي نزلات للمركز السادس، اليوم مديرية الجهة علنات على 11 لإصابة جديدة، لكن نقصات ثلاث إصابات من إقليم الرباط، وزادتهم فمدينة سلا أو تمارة اللي سجل بوحدهم إصابات جديدة فهذ الجهة، باش يولي العدد ديال الإصابات هو 14، والمتابعين تخربقو ومافهمو والو، وهذ الخطأ مازال ماقدمات عليه حتى شي توضيح.
بالنسبة لثاني جهة سجلات أعلى الإصابات اليوم، كتجي الدار البيضاء سطات، فحسب المعطيات اللي وردها الموقع الرسمي لوزارة الصحة الخاص بترصد الوباء، فالجهة سجلات اليوم 40 إصابة جديدة، لكن مديرية الجهة ماكتعلن على والو فالفيس ديالها، والمواطنين معارفين حتى حاجة بخصوص تفاصيل تطور الوباء فالأقاليم هذي خمس أيام.
جهة مراكش آسفي كتجي فالمركز الثالث من ضمن الجهات اللي سجلات أعلى الإصابات اليوم، بحيت سجلات 30 إصابة، لكنها فالمقابل سجلات 39 حالة شفاء جديدة، وهذا أعلى معدل وفاة كيتسجل فشي جهة اليوم.
جهة كَلميم وادنون اليوم سجلات 22 إصابة جديدة، وكيتعلق الأمر بالناس اللي خالطو العسكري اللي كان تصاب لبارح بالفيروس، ومن ضمنهم عساكرية بالإضافة لصحاب وعائلة هذ الشخص، وهكءا كتولي الجهة فالمركز العاشر فبلاصة جهة العيون الساقية الحمرا.
أما الوفيات الثلاثة اللي تسجلو اليوم، فتسجلات حالة فجهة مراكش، وحالة فجهة طنجة تطوان الحسيمة، وممكن تكون تجلات الحالة الثالثة فجهة كازا سطات، حيت الجهات الأخرى ما سجلات حتى شي حالة دالوفاة.
هذشي وعرفات كل من جهة بني ملال خنيفرة وسوس ماسة والعيون الساقية الحمرا والداخلة واد الذهب استقرار فعدد الحالات والإصابات والوفيات بالفيروس.
وهذي باقي المعطيات المتعلقة بالإصابات فالجهات والأقاليم فهذ 24 ساعة الأخيرة بالترتيب:
المركز الأول: جهة كازا سطات: 982 حالة (+40). (بدون تفاصيل بالنسبة للوفيات وحالات الشفاء وتفاصيل الإصابات فالأقاليم).
المركز الثاني: جهة مراكش آسفي: 802 حالة (+30) – 40 وفاة (+1) – 85 شفاء (+39).
الأقاليم: مراكش 509 (+23)، الرحامنة 222 (+3)، الحوز 38 (+2)، شيشاوة 25 (+2)، قلعة السراغنة 5، الصويرة 2، آسفي 1، اليوسفية 0.
المركز الثالث: جهة فاس مكناس: 499 حالة (+7) – 24 وفاة – 97 شفاء(+3).
الأقاليم: فاس 307 (+6)، مكناس 102، تازة 43، إفران 18 (+1)، صفرو 11، تاونات 7، مولاي عقوب 3، الحاجب 1، بولمان 0.
المركز الرابع: جهة طنجة تطوان الحسيمة: 492 حالة (+1) – 17 وفاة (+1) – 66 شفاء.
الأقاليم: طنجة 342، العرايش 77، تطوان 59 (+1)، الحسيمة 13، وزان 1، شفشاون 0.
المركز الخامس: جهة درعة تافيلالت: 371 حالة (+87) – 2 وفاة – 28 شفاء (+2).
الأقاليم: ورززات 306 (+87)، ميدلت 46 ، الرشيدية 5، زاكَورة 13، تنغير 1.
المركز السادس: جهة الرباط سلا القنيطرة: 297 حالة (+11) – 11 وفاة – 133 شفاء (+11).
الأقاليم: الرباط 118 (- 3)، الصخيرات تمارة 89 (+7)، سلا 52 (+7)، القنيطرة 23، الخميسات 7، سيدي سليمان 1، وسيدي قاسم 0.
المركز السابع: الجهة الشرقية: 175 حالة (+10) – 8 وفاة – 39 شفاء (+4).
الأقاليم: وجدة أنكَاد 86 (+9)، الناظور 39 (+1)، بركان 39، الدريوش10، تاوريرت 9، كَرسيف 8، فكَيكَ 1، جرادة 0.
المركز الثامن: جهة بني ملال خنيفرة: 78 حالة – 6 وفاة – 16 شفاء. (لا جديد)
الأقاليم: خريبكَة 26، آزيلال 33، الفقي بنصالح 13، بني ملال 4، خنيفرة 1.
المركز التاسع: جهة سوس ماسة: 50 حالة – 6 وفاة – 14 شفاء. (لا جديد)
الأقاليم: أكادير إداوتاوتنان 22، إنزكَان آيت ملول 21، طاطا 4، اشتوكة آيت باها 2، تارودانت 1، وتيزنيت 0.
المركز العاشر: جهة كَلميم واد نون: 22 حالات (+20) – 0 وفاة – 1 شفاء.
الأقاليم: كَلميم 22 (+20)، الأقاليم الأخرى 0.
المركز حضاش: جهة العيون الساقية الحمرا: 4 حالات – 0 وفاة – 4 شفاء. (لا جديد)
الأقاليم: بوجدور 4، الأقاليم الأخرى 0.
المركز تناش: جهة الداخلة واد الذهب: 2 حالات – 0 وفاة – 1 شفاء. (لا جديد)
الأقاليم: واد الذهب 2، الأقاليم الأخرى 0.
وللإشارة، وحسب موقع وزارة الصحة، فاليوم وصلنا ل3785 إصابة بفيروس كورونا المستجد فالمغرب، 486 منها تعافاو و158 ماتو.