الفنان مراد العشابي كلاشى كبور فحوار مع "كود": حسن الفلس ولى كيضبط اسكيتشاتو بالثانية باش يوصل رسائل المستشهرين للمواطنين الفقراء وخدا من الدعم العمومي فلوس كثيرة وها الدليل

مباشرة بعد بث سلسلته الاسبوعية "دوندونس" على القناة الثانية، تعرض حسن الفد لهجوم فيسبوكي وانتقادات على مواقع التواصل الإجتماعي يصفون فيها سلسلته ب"الحامضة"، ولم يتأخر الفنان الساخر مراد العشابي المعروف بجرأته في التعبير عن رأيه بطريقة لا تخلو من سخرية، عبر تدوينة مرفقة بصورة للفد بلباس امرأة، اثارت جدلا كبيرا على مواقع التواصل الاجتماعي حيث قال :" ياربي نكون كنحلم مشا "كبور" وخرجت لينا "كبورة" في هاذ كورونة الله يحفظنا وصافي، انها جعجعة ولا طحين، او حينما "يتمخض الجبل ليلد لنا فأراً"…#شكرا "حسن الفلس"، سلسلة #حموضونس ماشي طوندونس…..".
لمعرفة ما يجري ويدور بين الفد والعشابي كان ل"كود" هاد الحوار الطريف مع الساخر العشابي.
كود: اش بان ليك في قول الفد أنه هو الممثل الوحيد فالمغرب اللي ما عمر شي قناة عمومية صرفات عليه؟
مراد العشابي: بغا الفد ولا كره بلا "دوزيم" وبلا "الاولى" اللي عاونوه ما كناش غنعرفو الفد، كان على الاقل يشكر "دوزيم" اللي احتاضنات كبسولة "الكوبل 1″ أول مرة من بعد ما رفضاتها قناة أخرى
اما ادعاؤو أنو ما عمر شي قناة صرفات عليه فهذا ضحك على الذقون، لأن الفد الذي ربما أثر عليه صقيع كندا، فهرول لتبرير مالا يمكن تبريره، واختلطت عليه الأمور مثل الغراب الذي حاول تقليد مشية الحمامة، فلم يفلح ونسى مشيته الاصلية، ونفسي معها أنه اشتغل في سلسلة" الشانيلي تيفي" و"سي بي بي" و"كنال 36″ مع القناة الأولى
وهنا اطرح السؤال شكون خلص الفد؟ اتساءل هنا هاذيك الوصلة ديال حوادث السير اللي القيمة ديالها حوالي 400 مليون من وزارة التجهير والنقل واش من المال العام؟، واش فعلا خدا هاذ المبلغ ولا كذوب على وصلة الأستاذ "كسيدة".
وإلى قال الفد أن دوزيم عمرها عطات درهم واحد على الأعمال ديالو وان المحتضنين كيخلصو دوزيم باش دوزو، فهذه قمة العجرفة والتعالي، ونكران الجميل لأن القناة كتعطيك اسي الفد مساحات اشهارية كتسوى الثمن باش دوز الإشهار والعمل ديالك اللي قفز من خارج طلبات العروض المعمول بها.
كود: علاش سميتيه فالتدوينة حسن الفلس. اش علاقة الفد بالفلوس ؟
مراد العشابي: حسن الفد نسي مشية الفنان وتقمص خيلاء التاجر المهووس بالأرباح بعد أن طغى لديه منطق المعلن المهووس بمداخيل الإشهار على ماعداه، يضبط اسكيتشاته بالدقيقة والثانية لكي يفسح للمستشهر المجال الكافي للترويج لبضائعه، لا لتبليغ رسالة معينة وانما لحمل رسائل المستشهرين الى المواطنين الفقراء.
كود: واش أنت مع فنان عايش فالخارج ومدور الحركة فالمغرب
العشابي: الفنان خاص يكون مرتبط بهموم وطنه في السراء والضراء رغم بعد المسافة ويقف إلى جانب البلد اللي فتحات ليك الابواب على مصراعيها لان الفنان رمز العطاء، لكن بعض الفنانين أصبحوا تجار جملة للأعمال الرمضانية من خلال "شركات خاصة" التي تتفاوض مع القنوات التلفزية من أجل ان الحصول على الأموال "كاش" التي تنتظرها الابناك في الخارج، فعادة مايجلب المهاجر العملة الصعبة الى المغرب فيما البعض يخرج العملة السهلة من المغرب.
كود: واش كيبان ليك باللي كبور بالنسبة ليك كمعلن اشهار قتل الفد الفنان؟
مراد العشابي: في رواية "المسخ" لكافكا يستيقظ "السيد ك" ليجد نفسه وقد تحول الى صرصار، ولعل الفد إستيقظ ووجد نفسه "ممثل اشهار" الى درجة تبخر معها الفن وظل الاعلان مايتبقى في الذاكرة بعد ان يتبخر كل شيء.
كود: اش بينك وبين الفد. على القرص غا تم بث "الطوندوس" وانت تكلاشيه ؟
مراد العشابي : أولا أنا قلت رأي ديالي في واحد الفنان اللي ماشي مقدس بطبيعة الحال بحالو بحال كاع الفنانين، كيفما هو عندو الحق ينتقد اوضاع معجباتوش، كاين ناس آخرين من حقهم يعبروا على رايهم، انا صدمني الفد ملي جاوب واحدة من المتتبعات ديالو وقال "ليها الا معجبوكش اعمالي في رمضان شوفيهم في شعبان"، إنها نبرة احتقارية للجمهور لم يسبق ان صدرت عن فنان يقيس مدى وعي أو لا وعي المتلقي ويهين متتبعيه.
الأخطر من ذلك أن مواطن اخر اجابه بطريقة متعجرفة من بعد ما وصف هاذ السيد الأعمال ديال الفد بالحامضة وكتستافد من الدعم العمومي، الشيء لي استفزو وخلاتو يجاوب بطريقة عصبية بزاف وكأنه كيوجد لينا في دوا "كورونا"، الخطير أنه بكل هاذ العجرفة قدم لهاد الناس حلقة اعتبروها من اضعف ما قدمه الفد في مسيرته الفنية، وأتمنى أن تكون الحلقة القادمة اقل ضرر من الأولى.