نورة الصقلي اختارت طلبة ديالها فمعهد "ليزاداك" لبطولة "عنبر وياقوت"

اختارت الفنانة نورة الصقلي أنها تجمع عدد من الطلبة ديالها من المعهد العالي للمسرح والتنشيط الثقافي في الرباط باش يلعبو معاها بطولة مسلسل "ياقوت وعنبر" لي تعرض طيلة شهر رمضان على القناة الأولى.
وحسب المعلومات لي حصلات عليها "كود" فالممثلين الشباب كاملين قراتهم نورة لي هي كاتبة سيناريو المسلسل هي وسامية أقريو، وحقق هاد الاخير مشاهدات عالية في رمضان.
ومن بين الفنانين لي اختارت نورة من المعهد، الممثلة فاطمة الزهراء قنبوع، وساندية وهند بنجبارة.. وشباب آخرين شاركوا معاها البطولة، من بعدما كانت حريصة أنها تختارهم من داخل القسم، باستثناء المهدي فولان وربيع الصقلي لي أول مرة يشارك في عمل تلفزي ولي جاي من مواقع التواصل.