هاد منظمة الصحة العالمية للصحة كتناقض غير مع راسها والبرازيل باغية تخرج منها. بعد ما قالت بالي ماشي ضرورية ديروها تراجعات: ديرو لكمايم ها علاش

منظمة الصحة العالمية من زبلة لتناقض٬ بعد فضيحة دواء "كلوروكين" اللي قالت خطيرة وطلعات هدرة خاوية٬ خرجات اليوم كتهدر على الكمايم. المنظمة قالت باللي ضروري ديرو لكمايم حقاش "تقدر تكون حاجز "امام الرذاذ اللي يقدر يخرج من فم ونيف شي حد فيه كورونا فيروس"
هاد المنظمة هي اللي كانت كتقول هادي شي شهر راه ما كايناش ادلة كافية باش بنادم يدير الكمايم. دابا هاد الشي قالتو بعد ما رجعات دول ارتداء لكمايم اجباري٬ وبعد ما وصل عدد المصابين بكورونا 6.7 مليون وقتلات 400 الف
هاد الڤيراج فموقف المنظمة دار وفق دراسة دارت فالاسابيع الاخيرة كيف قالت فان كيرخوف. هاد الخبيرة نصحات "الحكومات بتشجيع ارتداء كاع الناس للكمايم".
المدير العام لمنظمة الصحة العالمية تيدروس أدهانوم غيبريسوس وضح باللي: "لكمايم بوحدها ما غادياش تحميك من كورونا فيروس"
هاد التناقض كان خلى امريكا تنساحب من المنظمة وتحملها مسؤولية ما وقع ومحاباتها للصين. البارح خرج رئيس البرازيل جايير بولسونارو وقد ان بلادو تقدر تنساحب من هاد المنظمة واحتج على سماه "انحيازها العقائدي".
واضاف الرئيس البرازيلي "اميركا غادرت المنظمة وحنا كنفكرو فهاد الشي مستقبلا. ...ما محتاجينش لوحيدين من برا يعبرو لينا على شعورهم بالوضع الصحي عندنا"