ها كيفاش غادي يترفع الحجر: الجوامع والبارات ولقهاوي غاديين يفتحو فهاد الوقت والرحلات الدولية تبدا فهاد التاريخ

تمديد حالة الطوارئ الصحية إلى 10 يوليوز المقبل فيه رفع تدريجي للحجر
يتوقع ان يكون هاد التدرج كيف غادي يوافق عليه المجلس الحكومي اليوم كما يلي:
من هنا حتى عشرين يونيو غاذي يكون التنقل بين المدن مزير. ماشي ممنوع كيف دابا ولكن فيه شروط
والرحلات الجوية الداخلية غادية تبدى يوم 16 يونيو اي الثلاث الجاي. طبعا كل واحد قبل ما يطلع غاديين يراقبو حرارتو وغادي يدير فالرحلة الماسك.
أما الرحلات الدولية غادية تفتح تدريجيا من 2 يوليوز
أما لقهاوي والبيران والمطاعم والجوامع فغاديين يتسناو 15 يوم عاد يحلو ولكن غاديين يبداو بتجربة الاثنين الجاي ويفتحو غير 50 بالماية من الطاقة الاستيعابية لهاد لقهاوي
المغرب غادي يتقسم لزون حمرا وأخرى خضرا
الحمرا فيها زيار اكثر والولاة والعمال حسب الوضعية الوبائية غاديين يتاخدو إجراءات مناسبة