ثمن اللحم طاح وثمن الديسير والخضرة استقر.. هذو كَاع تفاصيل الأسعار فسوق الجملة فكازا

بحال العادة كل أربعاء، دار سوق الجملة للفواكه والخضر التابع للمجلس الجماعي لمدينة كازا، ليست ديال الأثمنة الخاصة بالمنتوجات الفلاحية اللي كيتباعو بالكَرو، باش يحدد السقف ديال الأثمنة والثمن الأدنى ديالها حسب جودة كل منتوج، وماتكون حتى شي زيادة فهذ الوقت اللي كتعرف البلاد حالة طوارئ صحية بسبب فيروس كورونا المستجد.
بالنسبة لثمن اللحم بالجملة فالباطوار ديال كازا فالثمن ديالو نقص بالمقارنة مع السيمانة اللي فاتت، لحم الغنمي نقص ب3 دراهم، ولا يدير دابا فالثمن الأدنى 49 درهم والثمن الأقصى 54 درهم للكيلو، والبكَري ب2 دراهم، وولا الثمن ديالو الأدنى ف54 درهم، والثمن الأقصى 58 درهم للكيلو.
أما الخضرة، فمعظم الأثمنة ديالها استقرات، باستثناء ثمن البطاطا وخيزو اللي تزاد بسنتيمات قليلة، وهكذا حدد السوق الأثمنة ديال الخضرة الأساسية بالكيلوكَرام ف: ماطيشة 90 سنتيم فالثمن الأدنى و2 دراهم فالثمن الأقصى، وخيزو 80 سنتيم فالثمن الأدنى ودرهم و50 سنتيم فالثمن الأقصى، البصلة 3 دراهم ونص فالثمن الأدنى و5.50 دراهم فالثمن الأقصى، باطاطا 1 درهم ونص فالثمن الأدنى ودرهم و2 دراهم فالثمن الأقصى، البصلة الخضارية 90 سنتيم فالثمن الأدنى و2 دراهم فالثمن الأقصى.
وبخصوص الخضر لخرى، فالمكور أو الكرومب كيدير 50 سنتيم فالثمن الأدنى و1 درهم فالثمن الأقصى، والكَرعة الخضرة كتدير 2 دراهم فالثمن الأدنى و3 دراهم ونص فالثمن الأقصى، والخيار 1 درهم و50 فالثمن الأدنى و2 درهم و30 فالثمن الأقصى، والدنجال درهم واحد فالثمن الأدنى ودرهم و80 سنتيم فالثمن الأقصى، والكَرعة الحمرا 2 دراهم فالثمن الأدنى و5 دراهم فالثمن الأقصى.
أما بالنسبة للفواكه، عرفات استقرار تام فالأثمنة للسيمانة الثانية على التوالي، باستثناء بعض الفواكه اللي عرفات ارتفاع بسنتيمات قليلة، وبالتالي: لافوكا دايرة فالثمن الأدنى 25 درهم، والثمن الأقصى 35 درهم، البانان دبرا داير 9 دراهم الثمن الأدنى و12 الثمن الأقصى، البنان دالبلاد 4,50 دراهم فالثمن الأدنى و6 دراهم ونص فالثمن الأقصى، الليمون 4 دراهم فالثمن الأدنى و5 دراهم و50 سنتيم فالثمن الأقصى، والتفاح دالبلاد 2 دراهم الثمن الأدنى و8 دراهم فالثمن الأقصى، والتفاح المستورد 8 دراهم والثمن الأدنى و13 درهم فالثمن الأقصى، والدلاح درهم ونص أقل ثمن و3 دراهم و20 سنتيم الثمن اللي الطالع كَاع